23C Vancouver 23C VancouverFeb 23, 2021 9:32 PM -
ਇਸ ਹਫ਼ਤੇ ਕੈਨੇਡਾ 'ਚ ਕੋਵਿਡ-19 ਸੰਬੰਧੀ ਵੈਕਸੀਨ ਦੀ ਸਭ ਤੋਂ ਵੱਡੀ ਸ਼ਿਪਮੈਂਟ ਪਹੁੰਚ ਰਹੀ ਹੈ।
ਫਾਈਜ਼ਰ ਅਤੇ ਮੌਡਰਨਾ ਵੈਕਸੀਨ ਦੀਆਂ 643,000 ਡੋਜ਼ ਇਸ ਹਫ਼ਤੇ ਕੈਨੇਡਾ ਪਹੁੰਚ ਰਹੀਆਂ ਹਨ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਨੇ ਕਿਹਾ ਕਿ ਇਸ ਵਿੱਚੋਂ ਵਧੇਰੇ ਖੁਰਾਕਾਂ ਦੀ ਡਿਲੀਵਰੀ ਹੋ ਵੀ ਚੁੱਕੀ ਹੈ।
ਉਨ੍ਹਾਂ ਕਿਹਾ ਕਿ ਮਾਰਚ ਵਿੱਚ ਵੈਕਸੀਨ ਡਿਲੀਵਰੀ 'ਚ ਹੋਰ ਤੇਜ਼ੀ ਆਵੇਗੀ ਅਤੇ 3.5 ਮਿਲੀਅਨ ਡੋਜ਼ ਅਗਲੇ ਮਹੀਨੇ ਕੈਨੇਡਾ ਪਹੁੰਚਣਗੀਆਂ।
ਸਖਤ ਲੋਕ ਸਿਹਤ ਨਿਰਦੇਸ਼ਾਂ 'ਚ ਸਿਤੰਬਰ ਤਕ ਕੁਝ ਢਿੱਲ ਦੀ ਆਸ: ਡਾ. ਟੈਮ
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਉਹ ਆਸ ਕਰ ਰਹੀ ਹਨ ਕਿ ਸੂਬਿਆਂ ਅਤੇ ਟੈਰੀਟਰੀਜ਼ ਵਿੱਚ ਜਾਰੀ ਸਖਤ ਲੋਕ ਸਿਹਤ ਨਿਰਦੇਸ਼ਾਂ 'ਚ ਸਿਤੰਬਰ ਤਕ ਢਿੱਲ ਵਰਤਣੀ ਸ਼ੁਰੂ ਹੋ ਜਾਵੇਗੀ।
ਔਟਵਾ 'ਚ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਡਾ. ਟੈਮ ਨੇ ਕਿਹਾ ਕਿ ਇਹ ਕਾਫੀ ਹੱਦ ਤਕ ਇਸ 'ਤਏ ਨਿਰਭਰ ਕਰੇਗਾ ਕਿ ਵੈਕਸੀਨ ਰੋਲਆਊਟ ਪ੍ਰੀਕਿਰਿਆ ਕਿਵੇਂ ਜਾਰੀ ਰਹਿੰਦੀ ਹੈ ਅਤੇ ਕੋਵਿਡ-19 ਦੇ ਨਵੇਂ ਵੇਰੀਐਂਟਸ ਦਾ ਕਿਸ ਕਿਸਮ ਦਾ ਪ੍ਰਭਾਵ ਪੈਂਦਾ ਹੈ।
ਹਾਲਾਂਕਿ ਡਾ. ਟੈਮ ਜਾਂ ਇੰਟਰਗਵਰਨਮੈਂਟਲ ਅਫੇਅਰਸ ਮੰਤਰੀ, ਡੌਮਿਨਿਕ ਲੈਬਲੌਂ ਨੇ ਕਿਸੇ ਅਜਿਹੀ ਢਿੱਲ ਸੰਬੰਧੀ ਕਿਸੇ ਪੱਕੀ ਤਰੀਕ ਦੇ ਵੇਰਵੇ ਨਹੀਂ ਦਿੱਤੇ।
