20.61C Vancouver 20.61C VancouverJul 26, 2021 7:21 PM -
ਸਰੀ ਫਰਸਟ ਕਾਉਂਸਲਰ ਲਿੰਡਾ ਐਨਿਸ ਨੇ ਕਿਹਾ ਹੈ ਕਿ ਸਰੀ ਦੇ ਵੋਟਰ ਮੇਅਰ ਡਗ ਮੈਕੁਲਮ ਦੀ 'ਮਾਈ ਵੇ ਔਰ ਹਾਈਵੇ' ਦੀ ਪਹੁੰਚ ਵੇਖ ਕੇ ਹੈਰਾਨ ਨਾ ਹੋਣ।
ਉਨ੍ਹਾਂ ਇਹ ਟਿੱਪਣੀ ਉਸ ਵੇਲੇ ਕੀਤੀ ਹੈ ਜਦ 84 ਐਵੀਨਿਊ ਨੂੰ ਬੇਅਰ ਕਰੀਕ ਪਾਰਕ ਦੇ ਰਾਹੀਂ ਵਧਾਉਣ 'ਤੇ ਕੰਮ ਸ਼ੁਰੂ ਕਰਨ ਦੀ ਤਿਆਰੀ ਲਈ ਵੋਟ ਦੀ ਤਿਆਰੀ ਹੋ ਰਹੀ ਹੈ।
ਇਸ 'ਤੇ $18 ਮਿਲੀਅਨ ਕਾ ਖਰਚਾ ਆਉਣ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ 90 ਦੇ ਦਹਾਕੇ 'ਚ ਮੁੜ ਵਾਪਸੀ ਕਰਨ ਦੀ ਲੋੜ ਹੈ ਅਤੇ ਯਾਦ ਕਰਨ ਦੀ ਲੋੜ ਹੈ ਕਿ ਮੈਕੁਲਮ ਦਾ ਲੋਕਾਂ ਦੀ ਸਲਾਹ ਲੈਣ 'ਚ ਕਿੰਨਾ ਕੁ ਧਿਆਨ ਹੁੰਦਾ ਸੀ।
ਉਨ੍ਹਾਂ ਕਿਹਾ ਕਿ ਮੈਕੁਲਮ ਦੀਆਂ ਉਸ ਵੇਲੇ ਦੀਆਂ ਮਾੜੀਆਂ ਆਦਤਾਂ ਅੱਜ ਵੀ ਉਨ੍ਹਾਂ ਦੀਆਂ ਮਾੜੀਆਂ ਆਦਤਾਂ ਹਨ।
ਉਨ੍ਹਾਂ ਕਿਹਾ ਕਿ ਇਹਨਾਂ ਮਾੜੀਆਂ ਆਦਤਾਂ ਦੀ ਭਰਪਾਈ ਸਾਨੂੰ ਟੈਕਸਪੇਅਰ ਜਾਂ ਸਰੀ ਨਿਵਾਸੀ ਦੇ ਤੌਰ 'ਤੇ ਕਰਨੀ ਪੈ ਰਹੀ ਹੈ।
ਲਿੰਡਾ ਐਨਿਸ ਨੇ ਕਿਹਾ ਕਿ ਮੈਕੁਲਮ ਲਈ ਸਰੀ ਦੇ ਲੋਕ ਇੱਕ ਏ.ਟੀ.ਐਮ. ਮਸ਼ੀਨ ਜਿਹੇ ਹਨ।
ਐਨਿਸ ਨੇ ਕਿਹਾ ਕਿ ਲੋਕ 84 ਐਵੀਨਿਊ ਦੇ ਇਸ ਐਕਸਟੈਨਸ਼ਨ ਦਾ ਖੁਲ੍ਹ ਕੇ ਵਿਰੋਧ ਕਰ ਰਹੇ ਹਨ ਪਰ ਉਨ੍ਹਾਂ 'ਤੇ ਧਿਆਨ ਨਹੀਂ ਦਿੱਤਾ ਜਾ ਰਿਹਾ।
