14.51C Vancouver 14.51C VancouverJun 29, 2021 7:20 PM -
ਬੀ.ਸੀ. ਕੋਰੋਨਰਸ ਸਰਵਿਸ ਨੇ ਮਈ ਮਹੀਨੇ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਹਨ।
ਸੂਬੇ 'ਚ ਸਾਲ ਦੇ 5ਵੇਂ ਮਹੀਨੇ ਦੌਰਾਨ ਘਟੋ-ਘੱਟ 160 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਹ ਸੂਬੇ 'ਚ ਲਗਾਤਾਰ 15ਵਾਂ ਮਹੀਨਾ ਹੈ ਜਦ ਓਵਰਡੋਜ਼ ਸੰਬੰਧੀ 100 ਤੋਂ ਵਧੇਰੇ ਮੌਤਾਂ ਰਿਪੋਰਟ ਹੋਈਆਂ ਹਨ।
ਮਈ 2020 ਦੇ ਮੁਕਾਬਲੇ ਇਸ ਨੂੰ ਮੌਤਾਂ 'ਚ ਕੁਝ ਗਿਰਾਵਟ ਦੱਸਿਆ ਗਿਆ ਹੈ।
ਬੀਤੇ ਸਾਲ ਮਈ 'ਚ 177 ਓਵਰਡੋਜ਼ ਸੰਬੰਧੀ ਮੌਤਾਂ ਰਿਪੋਰਟ ਹੋਈਆਂ ਸਨ।
ਹਾਲਾਂਕਿ ਇਹ ਮਈ 'ਚ ਰਿਪੋਰਟ ਹੁਣ ਵਾਲਾ ਮੌਤਾਂ ਦਾ ਬੀ.ਸੀ. 'ਚ ਦੂਜਾ ਸਭ ਤੋਂ ਵੱਡਾ ਅੰਕੜਾ ਹੈ।
ਹੁਣ ਇਸ ਸਾਲ 5 ਮਹੀਨੇ ਦੇ ਸਮੇਂ ਦੌਰਾਨ ਓਵਰਡੋਜ਼ ਕਾਰਨ ਹੋਈਆਂ ਮੌਤਾਂ ਦੀ ਗਿਣਤੀ 851 ਤਕ ਪਹੁੰਚ ਗਈ ਹੈ।
ਇਸ ਅੰਕੜੇ ਦੇ ਨਾਲ ਹੁਣ ਬੀ.ਸੀ. 'ਚ ਲਗਾਤਾਰ 5ਵਾਂ ਮਹੀਨਾ ਹੈ ਜਦ ਔਸਤ ਅਨੁਸਾਰ ਹਰ ਰੋਜ਼ 5 ਤੋਂ ਵਧੇਰੇ ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਬੀਤੇ ਸਾਲ ਪਹਿਲੇ 5 ਮਹੀਨੇ ਦੌਰਾਨ ਓਵਰਡੋਜ਼ ਕਾਰਨ 704 ਮੌਤਾਂ ਰਿਪੋਰਟ ਹੋਈਆਂ ਸਨ ਜਿਸ 'ਚ ਇਸ ਸਾਲ ਦਾ ਅੰਕੜਾ 21% ਦਾ ਵਾਧਾ ਦਰਸ਼ਾਉਂਦਾ ਹੈ।
ਕੋਰੋਨਰ ਸਰਵਿਸ ਦਾ ਕਹਿਣਾ ਹੈ ਕਿ ਇਸ ਸਾਲ 75 ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਕਾਰਫੈਂਟਾਨਿਲ ਨੂੰ ਇੱਕ ਅਹਿਮ ਫੈਕਟਰ ਦੱਸਿਆ ਗਿਆ ਹੈ।
ਇਸ ਨੂੰ ਫੈਂਟਾਨਿਲ ਦੇ ਮੁਕਾਬਲੇ 100 ਗੁਣਾ ਵਧੇਰੇ ਹਾਨੀਕਾਰਕ ਦੱਸਿਆ ਜਾਂਦਾ ਹੈ।
ਇਸ ਨਾਲ ਸੰਬੰਧਤ ਸਾਲ 2020 'ਚ ਕੁੱਲ 65 ਮੌਤਾਂ ਰਿਪੋਰਟ ਹੋਈਆਂ ਸਨ।
ਇਸ ਸਾਲ ਕਰੀਬ 86% ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਫੈਂਟਾਨਿਲ ਨੂੰ ਕਾਰਨ ਦੱਸਿਆ ਗਿਆ ਹੈ।
