14.96C Vancouver 14.96C VancouverDec 18, 2024 5:57 PM - The Canadian Pres
ਕੈਨੇਡਾ ਦੇ ਦੂਜੇ ਸਭ ਤੋਂ ਵੱਡੇ ਸਨਮਾਨ ਆਰਡਰ ਆਫ ਕੈਨੇਡਾ ਲਈ ਇਸ ਵਾਰ 88 ਕੈਨੇਡੀਅਨ ਨਾਮਜ਼ਦ ਕੀਤੇ ਗਏ ਹਨ। ਇਨ੍ਹਾਂ ਵਿਚ ਕੈਨੇਡੀਅਨ ਅਮਰੀਕਾ ਮੂਲ ਦੇ ਹਾਲੀਵੁੱਡ ਅਦਾਕਾਰ ਰਿਆਨ ਰੇਨੋਲਡਜ਼ ਦਾ ਨਾਮ ਵੀ ਸ਼ਾਮਲ ਹੈ। ਉਨ੍ਹਾਂ ਨੂੰ ਨਵੰਬਰ ਵਿਚ ਆਰਡਰ ਆਫ ਬ੍ਰਿਟਿਸ਼ ਕੋਲੰਬੀਆ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ।
ਕੈਨੇਡਾ ਦੀ ਗਵਰਨਰ ਜਨਰਲ ਮੈਰੀ ਸਾਈਮਨ ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਆਰਡਰ ਆਫ ਕੈਨੇਡਾ ਦੇ ਪ੍ਰਾਪਤਕਰਤਾ ਕੈਨੇਡਾ ਦੇ ਬਿਹਤਰ ਭਵਿੱਖ ਦੇ ਨਿਰਮਾਤਾ ਹਨ। ਇਨ੍ਹਾਂ ਹਰ ਇੱਕ ਦਾ ਆਪਣੇ ਖੇਤਰ ਵਿਚ ਵਢਮੁੱਲਾ ਯੋਗਦਾਨ ਹੈ।
ਇਸ ਸਾਲ ਦੀ ਸੂਚੀ ਵਿਚ ਅੰਤਰਰਾਸ਼ਟਰੀ ਪੱਧਰ ’ਤੇ ਮਾਨਤਾ ਪ੍ਰਾਪਤ ਈ ਕੋਲੀ ਮਾਹਿਰ ਕਾਰਲਟਨ ਗਾਇਲਸ, ਬਾਲ ਚਿਕਿਤਸਕ ਨਿਊਰੋ-ਆਨਕੋਲੋਜੀ ਖੋਜਕਰਤਾ ਨਡਾ ਜਬਾਡੋ ਅਤੇ ਬੋਲੀ ਭਾਸ਼ਾ ਦੇ ਰੋਗ ਵਿਗਿਆਨੀ ਔਰਾ ਕਾਗਨ ਵਰਗੇ ਵਿਗਿਆਨੀ ਸ਼ਾਮਲ ਹਨ।
ਇਨ੍ਹਾਂ ਨੂੰ ਆਰਡਰ ਆਫ ਕੈਨੇਡਾ ਦਾ ਸਨਮਾਨ ਪ੍ਰਾਪਤ ਕਰਨ ਲਈ ਇੱਕ ਸਮਾਰੋਹ ਵਿਚ ਸੱਦਾ ਦਿੱਤਾ ਜਾਵੇਗਾ। ਜਿਸ ਦੀ ਤਾਰੀਖ਼ ਦੀ ਘੋਸ਼ਣਾ ਗਵਰਨਰ ਜਨਰਲ ਦੇ ਦਫ਼ਤਰ ਵਲੋਂ ਕੀਤੀ ਜਾਵੇਗੀ।
