15.92C Vancouver 15.92C VancouverJan 5, 2023 1:09 AM - The Canadian Press
ਬੀ.ਸੀ. ਦੇ 911 ਕਾਲਸ ਸੰਬੰਧੀ ਐਮਰਜੈਂਸੀ ਡਿਸਪੈਚ ਸੈਂਟਰ 'ਈ-ਕੌਮ' ਵੱਲੋਂ ਬੀਤੇ ਸਾਲ ਦੀਆਂ 10 ਸਭ ਤੋਂ ਬੇਲੋੜੀਆਂ ਕਾਲਸ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਸਭ ਤੋਂ ਬੇਲੋੜੀਆਂ ਕਾਲਸ 'ਚ ਸਭ ਤੋਂ ਉੱਤੇ ਰੱਖੀ ਗਈ ਕਾਲ, ਇੱਕ ਗੈਸ ਸਟੇਸ਼ਨ 'ਤੇ ਨੌਜ਼ਲ ਦੇ ਕੰਮ ਨਾ ਕਰਨ ਸੰਬੰਧਤ ਸੀ।
ਇਸੇ ਸੂਚੀ 'ਚ ਦੂਜੀ ਕਾਲ ਅਜਿਹੀ ਸੀ ਜੋ ਕਿ 'ਫਲੈਟ ਟਾਇਰ' ਸੰਬੰਧੀ ਕੀਤੀ ਗਈ ਸੀ।
ਤੀਜੇ ਨੰਬਰ 'ਤੇ ਅਜਿਹੀ ਕਾਲ ਰੱਖੀ ਗਈ ਜੋ ਕਿ ਰਾਤ ਦੇ ਸਮੇਂ ਪਬਲਿਕ ਕੋਰਟ 'ਤੇ ਕਿਸੇ ਦੇ ਬਾਸਕਿਟਬਾਲ ਖੇਡਣ ਸੰਬੰਧੀ ਕੀਤੀ ਗਈ ਸੀ।
ਕੁੱਲ 10 ਅਜਿਹੀਆਂ ਕਾਲਸ ਵਿੱਚ ਕਿਸੇ ਦੇ ਗਾਰਬੇਜ ਬਿਨ ਦੀ ਵਰਤੋਂ ਸੰਬੰਧੀ ਕਾਲ, ਪਲੇਗਰਾਉਂਡ 'ਤੇ ਬੱਚਿਆਂ ਦੇ ਚਾਕ ਵਰਤਣ, ਬੈਂਚ ਵਿੱਚ ਫੋਨ ਫਸ ਜਾਣ, ਸ਼ੀਸ਼ੇ ਦਾ ਵਾਈਪਰ ਟੁੱਟਣ ਸੰਬੰਧੀ ਅਤੇ ਕਿਸੇ ਦੇ ਕਾਰ ਵਾਸ਼ ਦੀ ਲਾਈਨ 'ਚ ਦਾਖਿਲ ਹੋ ਜਾਣ ਸੰਬੰਧੀ ਕਾਲਸ ਵੀ ਸ਼ਾਮਿਲ ਹਨ।
'ਈ-ਕੌਮ' ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਈ ਵਾਰ ਅਜਿਹੀਆਂ ਕਾਲਸ ਆਉਂਦੀਆਂ ਹਨ ਜਿੱਥੇ ਕਾਲ ਕਰਨ ਵਾਲੇ ਖੁਦ ਆਖਦੇ ਹਨ ਕਿ ਉਹ ਜਾਣਦੇ ਹਨ ਕਿ ਇਹ ਕੋਈ ਐਮਰਜੈਂਸੀ ਕਾਲ ਨਹੀਂ ਹੈ ਪਰ ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਹੋਰ ਕਿੱਥੇ ਕਾਲ ਕੀਤੀ ਜਾ ਸਕਦੀ ਸੀ।
