13.85C Vancouver 13.85C VancouverOct 16, 2023 6:55 PM - Connect News
ਕੈਨੇਡਾ ਦੀ ਵਿਦੇਸ਼ ਮੰਤਰੀ ਮੇਲੇਨੀ ਜੋਲੀ ਨੇ ਐਕਸ 'ਤੇ ਪੋਸਟ ਕਰਕੇ ਜਾਣਕਾਰੀ ਦਿੱਤੀ ਹੈ ਕੈਨੇਡੀਅਨਜ਼ ਦਾ ਇੱਕ ਗਰੁੱਪ ਵੈਸਟ ਬੈਂਕ ਤੋਂ ਬੱਸ ਰਾਹੀਂ ਸਰਹੱਦ ਪਾਰ ਕਰਕੇ ਜੌਰਡਨ ਵਿੱਚ ਸੁਰੱਖਿਅਤ ਦਾਖ਼ਲ ਹੋ ਗਿਆ ਹੈ।
ਜੋਲੀ ਨੇ ਰਮੱਲਾਹ, ਅੱਮਾਨ, ਤਲ-ਅਵੀਵ ਅਤੇ ਔਟਵਾ ਵਿੱਚ ਮੌਜੂਦ ਟੀਮਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ 24 ਘੰਟੇ ਕੰਮ ਕਰਨ ਵਾਲੀਆਂ ਟੀਮਾਂ ਦੇ ਸਹਿਯੋਗ ਨਾਲ ਇਹ ਸੰਭਵ ਹੋ ਸਕਿਆ ਹੈ।
ਮਿਲੀ ਜਾਣਕਾਰੀ ਅਨੁਸਾਰ 30 ਲੋਕਾਂ ਦਾ ਗਰੁੱਪ ਬੱਸ ਰਾਹੀਂ ਰਵਾਨਾ ਹੋਇਆ ਸੀ।
ਇਸ ਗਰੁੱਪ ਵਿੱਚ ਮੁੱਖ ਤੌਰ ‘ਤੇ ਕੈਨੇਡੀਅਨਜ਼ ਤੇ ਆਸਟ੍ਰੇਲੀਆ, ਨਿਊਜ਼ੀਲੈਂਡ ਦੇ ਨਾਗਰਿਕ ਵੀ ਸ਼ਾਮਲ ਹਨ।
ਬੱਸ ਵਿੱਚ 21 ਕੈਨੇਡੀਅਨ ਸਵਾਰ ਸਨ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਕਿਹਾ ਕਿ ਉਹ ਵੈਸਟ ਬੈਂਕ ਤੋਂ ਕੈਨੇਡੀਅਨਾਂ ਨੂੰ ਕੱਢਣ ਲਈ ਦੋ ਬੱਸਾਂ ਦੀ ਵਰਤੋਂ ਕਰ ਰਹੇ ਹਨ।
ਅਧਿਕਾਰੀਆਂ ਨੇ ਦੱਸਿਆ ਕਿ ਤਕਰੀਬਨ 250 ਲੋਕਾਂ ਨੇ ਇਲਾਕਾ ਛੱਡਣ ਲਈ ਕੈਨੇਡਾ ਤੋਂ ਮਦਦ ਦੀ ਬੇਨਤੀ ਕੀਤੀ ਹੈ।
ਜ਼ਿਕਰਯੋਗ ਹੈ ਕਿ 7 ਅਕਤੂਬਰ ਤੋਂ ਸ਼ੁਰੂ ਹੋਈ ਇਸ ਜੰਗ ਵਿੱਚ 2450 ਫ਼ਲਸਤੀਨੀ ,ਜਿਨ੍ਹਾਂ ਵਿੱਚ ਜ਼ਿਆਦਾਤਰ 724 ਬੱਚੇ, 370 ਮਹਿਲਾਵਾਂ ਹਨ ਉਨ੍ਹਾਂ ਦੀ ਮੌਤ ਹੋ ਗਈ ਹੈ।
ਉੱਥੇ ਹੀ ਹਮਾਸ ਹਮਲੇ ਵਿੱਚ 1400 ਇਜ਼ਰਾਈਲੀਆਂ ਦੀ ਮੌਤ ਹੋ ਚੁੱਕੀ ਹੈ।
