13.85C Vancouver 13.85C VancouverSep 9, 2021 10:36 PM -
ਅੱਜ ਕੈਨੇਡਾ ਦੀ ਯੁਵਾ ਟੈਨਿਸ ਖਿਡਾਰਨ ਲੈਲਾ ਫਰਨਾਂਡੇਜ਼ ਯੂ.ਐਸ. ਓਪਨ ਗਰੈਂਡ ਸਲੈਮ ਦਾ ਸੈਮੀਫਾਈਨਲ ਮੁਕਾਬਲਾ ਖੇਡਣ ਉਤਰੇਗੀ।
19 ਸਾਲਾ ਲੈਲਾ ਫਰਨਾਂਡੇਜ਼ ਦੀ ਟੱਕਰ ਨੰਬਰ 2 ਸੀਡ ਬੇਲਾਰੁਸ ਦੀ ਅਰੀਨਾ ਸਾਬਾਲੈਂਕਾ ਨਾਲ ਹੋਵੇਗੀ।
ਲੈਲਾ ਫਰਨਾਂਡੇਜ਼ ਦੀ ਵਿਸ਼ਵ ਰੈਂਕਿੰਗ ਫਿਲਹਾਲ 73ਵੀਂ ਹੈ।
ਇਹ ਮੁਕਾਬਲਾ ਆਰਥਰ ਐਸ਼ ਸਟੇਡੀਅਮ 'ਚ ਹੋਵੇਗਾ।
ਉੱਧਰ ਅੱਜ ਦੇ ਦੂਜੇ ਸੈਮੀਫਾਈਨਲ 'ਚ ਬ੍ਰਿਟੇਨ ਦੀ 18 ਸਾਲਾ ਐਮਾ ਰੈਡੂਕਾਨੂ ਦਾ ਮੁਕਾਬਲਾ ਵਿਸ਼ਵ ਨੰਬਰ 17 ਖਿਡਾਰਨ ਗਰੀਸ ਦੀ ਮਾਰੀਆ ਸਕਾਰੀ ਨਾਲ ਹੋਵੇਗਾ।
ਇਹਨਾਂ ਸੈਮੀਫਾਈਨਲ ਮੁਕਾਬਲਿਆਂ ਦੀ ਖਾਸ ਗੱਲ ਇਹ ਹੈ ਕਿ ਸੈਮੀਫਾਈਨਲ ਮੁਕਾਬਲੇ ਖੇਡਣ ਜਾ ਰਹੀਆਂ ਚਾਰੇ ਖਿਡਾਰਨਾਂ ਵਿੱਚੋਂ ਕਿਸੇ ਨੇ ਵੀ ਇਸ ਤੋਂ ਪਹਿਲਾਂ ਟੈਨਿਸ ਦੇ ਕਿਸੇ ਗਰੈਂਡ ਸਲੈਮ ਦੇ ਫਾਈਨਲ 'ਚ ਐਂਟਰੀ ਨਹੀਂ ਕੀਤੀ ਹੈ।
ਇਸ ਦਾ ਅਰਥ ਹੈ ਕਿ ਅੱਜ ਦੇ ਮੁਕਾਬਲਿਆਂ ਦੇ ਨਤੀਜੇ ਕੁਝ ਵੀ ਹੋਣ ਪਰ ਉਹ ਨਤੀਜੇ ਇਤਿਹਾਸਿਕ ਹੋਣਗੇ।
