13.73C Vancouver 13.73C VancouverMay 18, 2022 1:18 AM - The Canadian Press
ਬੀ.ਸੀ. 'ਚ ਲਿਟਨ ਦੇ ਇਲਾਕੇ ਨੂੰ ਤਬਾਹ ਕਰ ਦੇਣ ਵਾਲੀ ਅੱਗ ਸੰਬੰਧੀ ਇੱਕ ਰਿਪੋਰਟ ਜਾਰੀ ਕੀਤੀ ਗਈ ਹੈ।
ਇਸ 'ਚ ਆਖਿਆ ਗਿਆ ਹੈ ਕਿ ਇਲਾਕੇ 'ਚ ਜੋ ਹੋਇਆ ਉਸ ਨੂੰ ਸਮਝਣਾ ਬਹੁਤ ਜਰੂਰੀ ਹੈ ਕਿਉਂਕਿ ਇਸ ਨਾਲ ਹੋਰ ਕਮਿਊਨਿਟੀਸ ਅਜਿਹੇ ਅੰਜਾਮ ਤੋਂ ਬਚਣ ਲਈ ਕਦਮ ਚੁੱਕ ਸਕਦੀਆਂ ਹਨ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਲਿਟਨ ਦੇ ਇਲਾਕੇ ਦਾ ਤਬਾਹ ਹੋਣਾ ਸਿਰਫ ਵਾਈਲਡਫਾਇਰ ਦੀ ਸਮੱਸਿਆ ਤਕ ਸੀਮਤ ਨਹੀਂ ਹੈ।
ਇਸ ਰਿਪੋਰਟ 'ਚ 33 ਸਿਫਾਰਸ਼ਾਂ ਕੀਤੀਆਂ ਗਈਆਂ ਹਨ ਜਿਸ ਨਾਲ ਅੱਗ ਦੇ ਖਤਰੇ ਨੂੰ ਘਟਾਇਆ ਜਾ ਸਕੇ।
ਇਸ 'ਚ ਉਚੇਚੇ ਤੌਰ 'ਤੇ ਘਰਾਂ 'ਚ ਇਗਨਿਸ਼ਨ ਜ਼ੋਨਸ ਬਾਰੇ ਗੱਲ ਕੀਤੀ ਗਈ ਹੈ ਜਿਸ ਨਾਲ ਘਰ ਅਤੇ ਹੋਰ ਇਮਾਰਤਾਂ ਆਸਾਨੀ ਨਾਲ ਅੱਗ ਫੜ੍ਹ ਸਕਦੀਆਂ ਹਨ।
ਰਿਪੋਰਟ ਸੌਂਪਣ ਵਾਲਿਆਂ ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਮਦਦ ਦੇ ਆਸਰੇ ਵੀ ਪਿੰਡ ਨੂੰ ਬਚਾਇਆ ਨਹੀਂ ਜਾ ਸਕਦਾ ਸੀ ਕਿਉਂਕਿ ਇੱਕ ਘੰਟੇ ਤੋਂ ਵੀ ਘਟ ਸਮੇਂ 'ਚ 20 ਇਮਾਰਤਾਂ ਅੱਗ ਫੜ੍ਹ ਚੁੱਕੀਆਂ ਸਨ।
ਇਸ ਦੇ ਬਚਾਅ ਲਈ 60 ਫਾਇਰ ਟਰੱਕਸ ਦੀ ਲੋੜ ਪੈਣੀ ਸੀ।
ਭਵਿੱਖ ਦੇ ਵਿੱਚ ਖਤਰੇ ਤੋਂ ਬਚਾਅ ਲਈ ਇਵੈਕੂਏਸ਼ਨ ਰੂਟਸ ਅਤੇ ਉੱਚੇ ਘਾਹ ਨੂੰ ਰੈਜ਼ੀਡੈਂਸ਼ੀਅਲ ਇਲਾਕਿਆਂ ਲਗਾਤਾਰ ਕੱਟਣਾ ਅਤੇ ਇਮਾਰਤਾਂ ਵਿਚਾਲੇ ਮਿਨੀਮਮ ਕਲੀਅਰੈਂਸ ਸੈਟ ਕਰਨ ਲਈ ਵੀ ਆਖਿਆ ਹੈ।
