7.99C Vancouver 7.99C VancouverSep 12, 2024 5:19 PM - Connect Newsroom
ਪੰਜਾਬ ਵਿਧਾਨ ਸਭਾ ਵਿਚ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਵੀਰਵਾਰ ਨੂੰ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਆਪਣੇ ਸ਼ਾਸਨਕਾਲ ਦੇ ਸਿਰਫ ਢਾਈ ਸਾਲਾਂ ਵਿਚ ਹੀ ਪੰਜਾਬ ਨੂੰ ਭਾਰੀ ਕਰਜ਼ਾਈ ਕਰ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਕਰਜ਼ ਲੈਣ ਲਈ ਕੋਈ ਸੰਸਥਾਨ ਨਹੀਂ ਛੱਡ ਰਹੀ। ਬਾਜਵਾ ਮੁਤਾਬਕ, ਸੂਬਾ ਸਰਕਾਰ ਹੁਣ ਮੰਡੀ ਬੋਰਡ ਜ਼ਰੀਏ ਪੇਂਡੂ ਸੜਕਾਂ ਦੀ ਮੁਰੰਮਤ ਲਈ ਕਰਜ਼ਾ ਲੈ ਰਹੀ ਹੈ। ਇਹ ਕਰਜ਼ 8.3 ਫੀਸਦੀ ਵਿਆਜ ’ਤੇ ਲਿਆ ਜਾ ਰਿਹਾ ਹੈ।
ਕਾਂਗਰਸ ਦੇ ਸੀਨੀਅਰ ਲੀਡਰ ਨੇ ਕਿਹਾ ਕਿ ਇਹ ਭਾਰੀ ਕਰਜ਼ ਅਖੀਰ ਪੰਜਾਬ ਦੇ ਲੋਕਾਂ ਕੋਲੋਂ ਹੀ ਟੈਕਸ ਜ਼ਰੀਏ ਵਸੂਲਿਆ ਜਾਵੇਗਾ ਅਤੇ ਆਮ ਆਦਮੀ ਪਾਰਟੀ ਪਹਿਲਾਂ ਹੀ ਮੋਟਰ ਵਹੀਕਲ ਟੈਕਸ, ਪੈਟਰੋਲ-ਡੀਜ਼ਲ ’ਤੇ ਵੈਟ ਅਤੇ ਕੁਲੈਕਟਰ ਦਰਾਂ ਵਧਾ ਚੁੱਕੀ ਹੈ।
