9.02C Vancouver 9.02C VancouverOct 20, 2026 1:27 PM - Connect Newsroom - Ramandeep Kaur
ਐਬਟਸਫੋਰਡ ਵਿਖੇ ਲਗਭਗ 4 ਸਾਲ ਪਹਿਲਾਂ 77 ਸਾਲਾ ਆਰਨੋਲਡ ਅਤੇ ਉਨ੍ਹਾਂ ਦੀ 76 ਸਾਲਾ ਪਤਨੀ Joanne De Jong ਦੇ ਘਰ ਵਿਚ ਦਾਖ਼ਲ ਹੋ ਕੇ ਕੀਤੇ ਗਏ ਕਤਲ ਦੇ ਮਾਮਲੇ ਵਿਚ ਅਭਿਜੀਤ ਸਿੰਘ, ਗੁਰਕਰਨ ਸਿੰਘ ਅਤੇ ਖੁਸ਼ਵੀਰ ਤੂਰ ਨੂੰ ਸੁਣਾਈ ਜਾਣ ਵਾਲੀ ਸਜ਼ਾ ਦੀ ਸੁਣਵਾਈ ਫਰਵਰੀ 2027 ਤੱਕ ਮੁਲਤਵੀ ਹੋ ਗਈ ਹੈ।
ਦਰਅਸਲ, ਇਨ੍ਹਾਂ ਤਿੰਨਾਂ ਨੂੰ ਮਈ ਵਿਚ ਫਸਟ ਡਿਗਰੀ ਮਰਡਰ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ, ਜਿਸ ਵਿਚ ਉਮਰ ਕੈਦ ਦੀ ਸਜ਼ਾ ਹੈ ਅਤੇ 25 ਸਾਲ ਤੱਕ ਪੈਰੋਲ ਨਹੀਂ ਲਈ ਜਾ ਸਕਦੀ ਪਰ ਤਿੰਨਾਂ ਨੇ ਵਕੀਲਾਂ ਜ਼ਰੀਏ ਕ੍ਰਿਮੀਨਲ ਕੋਡ ਦੇ faint-hope clause ਰਾਹੀਂ early parole ਦੇ ਅਧਿਕਾਰ ਦੀ ਮੰਗ ਕੀਤੀ ਸੀ, ਜਿਸ 'ਤੇ ਬੀ. ਸੀ. ਸੁਪਰੀਮ ਕੋਰਟ ਨੇ ਸੁਣਵਾਈ ਕਰਦਿਆਂ ਇਹ ਸਾਫ ਕੀਤਾ ਹੈ ਕਿ ਮਲਟੀਪਲ ਮਰਡਰ ਨੂੰ ਸਮੇਂ ਤੋਂ ਪਹਿਲਾਂ ਪੈਰੋਲ ਲਈ ਅਪਲਾਈ ਕਰਨ ਤੋਂ ਰੋਕਣਾ ਗੈਰ-ਸੰਵਿਧਾਨਕ ਹੈ।
ਹੁਣ ਅਦਾਲਤ ਵਿਚ ਨਵੰਬਰ ਵਿਚ ਅਗਲੀ ਬਹਿਸ ਇਸੇ ਗੱਲ 'ਤੇ ਹੋਵੇਗੀ ਕਿ ਕੀ ਉਹ 25 ਸਾਲ ਦੀ ਬਜਾਏ 15 ਸਾਲ ਸਜ਼ਾ ਕੱਟਣ ਤੋਂ ਬਾਅਦ faint-hope clause ਤਹਿਤ ਪੈਰੋਲ ਲਈ ਅਪਲਾਈ ਕਰਨ ਦੇ ਯੋਗ ਹੋ ਸਕਦੇ ਹਨ ਜਾਂ ਨਹੀਂ। ਇਸ ਕਾਨੂੰਨੀ ਪੇਚੀਦਗੀ ਕਾਰਨ ਉਹਨਾਂ ਦੀ ਸਜ਼ਾ ਦਾ ਫੈਸਲਾ ਫਰਵਰੀ ਤੱਕ ਡਿਲੇਅ ਕੀਤਾ ਗਿਆ ਹੈ।
