11.16C Vancouver 11.16C VancouverJul 22, 2021 9:03 PM -
ਐਬਟਸਫੋਰਡ ਪੁਲਿਸ ਵੱਲੋਂ ਇੱਕ ਆਰਸਨ ਦੀ ਘਟਨਾ ਯਾਨੀ ਕਿ ਜਾਣਬੁੱਝ ਕੇ ਅੱਗ ਲਗਾਉਣ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਬੁੱਧਵਾਰ ਦੇਰ ਸ਼ਾਮ ਕਰੀਬ 8 ਵਜੇ ਪੁਲਿਸ ਨੂੰ 1661 ਮੈਕੁਲਮ ਰੋਡ 'ਤੇ ਸਥਿਤ ਸੈਂਟਰਲ ਹਾਈਟਸ ਚਰਚ ਕੋਲ ਸੱਦਿਆ ਗਿਆ ਸੀ।
ਅੱਗ 'ਤੇ ਜਲਦੀ ਹੀ ਕਾਬੂ ਪਾ ਲਿਆ ਗਿਆ।
ਜਾਂਚ ਅਧਿਕਾਰੀਆਂ ਨੇ ਸੀ.ਸੀ.ਟੀ.ਵੀ. ਦੀ ਜਾਂਚ ਕੀਤੀ ਅਤੇ ਸ਼ੱਕੀ ਨੂੰ ਇੱਕ ਆਦਮੀ ਦੱਸਿਆ ਗਿਆ ਹੈ।
ਇਸ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਅਤੇ ਕੱਦ ਕਰੀਬ 5'10" ਦੱਸਿਆ ਜਾ ਰਿਹਾ ਹੈ।
ਜਦ ਚਰਚ ਨੂੰ ਅੱਗ ਲੱਗੀ ਤਾਂ ਮੌਕੇ 'ਤੇ ਕੋਈ ਲੋਕ ਮੌਜੂਦ ਨਹੀਂ ਸਨ ਅਤੇ ਚਰਚ ਬੰਦ ਸੀ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਮਾਮਲੇ ਸੰਬੰਧੀ ਕੋਈ ਫੁਟੇਜ ਜਾਂ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
