27.49C Vancouver 27.49C VancouverApr 4, 2022 7:31 PM - Connect News
ਐਬਟਸਫੋਰਡ ਪੁਲਿਸ ਵੱਲੋਂ ਇੱਕ ਜਿਨਸੀ ਹਮਲੇ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਮਾਮਲਾ ਐਤਵਾਰ ਸਵੇਰ ਦੇ ਸਮੇਂ ਦਾ ਦੱਸਿਆ ਗਿਆ ਹੈ।
ਅਫਸਰਾਂ ਨੂੰ ਸੈਵਨਓਕਸ ਸ਼ੌਪਿੰਗ ਸੈਂਟਰ ਕੋਲ ਸਾਊਥ ਫਰੇਜ਼ਰ ਵੇਅ ਦੇ 32900 ਬਲੌਕ 'ਚ ਸਵੇਰੇ ਕਰੀਬ 4 ਵਜੇ ਸੱਦਿਆ ਗਿਆ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਇੱਕ ਔਰਤ ਪਾਰਕਿੰਗ ਲੌਟ ਦੇ ਇਲਾਕੇ 'ਚ ਤੁਰ ਕੇ ਜਾ ਰਹੀ ਸੀ ਜਦ ਉਸ ਤਕ ਇੱਕ ਚਾਂਦੀ ਰੰਗੀ ਵੈਨ ਨੇ ਪਹੁੰਚ ਕੀਤੀ।
ਇਸ ਤੋਂ ਬਾਅਦ ਇੱਕ ਆਦਮੀ ਨੇ ਉਸ 'ਤੇ ਜਿਨਸੀ ਹਮਲਾ ਕੀਤਾ।
ਔਰਤ ਨੂੰ ਇੱਕ ਲੋਕਲ ਹਸਪਤਾਲ 'ਚ ਇਲਾਜ ਪ੍ਰਦਾਨ ਕਰਵਾਇਆ ਗਿਆ।
ਪੁਲਿਸ ਅਨੁਸਾਰ ਔਰਤ ਨੂੰ ਗੰਭੀਰ ਸੱਟਾਂ ਤੋਂ ਬਚਾਅ ਰਿਹਾ ਪਰ ਉਸ ਨੂੰ ਘਟਨਾ ਕਾਰਨ ਸਦਮੇ 'ਚ ਦੱਸਿਆ ਗਿਆ।
ਜਾਂਚ ਅਧਿਕਾਰੀਆਂ ਅਨੁਸਾਰ ਸ਼ੱਕੀ ਇੱਕ ਦੱਖਣ ਏਸ਼ਿਆਈ ਮੂਲ ਦਾ ਵਿਅਕਤੀ ਸੀ ਅਤੇ ਉਸ ਦੀ ਉਮਰ 30 ਸਾਲ ਦੇ ਕਰੀਬ ਮੰਨੀ ਜਾ ਰਹੀ ਹੈ।
ਐਬਟਸਫੋਰਡ ਪੁਲਿਸ ਦੇ ਮੇਜਰ ਕਰਾਈਮ ਯੂਨਿਟ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਲੋਕਾਂ ਨੂੰ ਵੀ ਅਪੀਲ ਕੀਤੀ ਗਈ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
