11.31C Vancouver 11.31C VancouverNov 28, 2022 11:39 PM - Connect News
ਐਬਟਸਫੋਰਡ ਪੁਲਿਸ ਦੇ ਇੱਕ ਅਫ਼ਸਰ ਵੱਲੋਂ ਇੱਕ ਵਿਅਕਤੀ ਦੀ ਗ੍ਰਿਫਤਾਰੀ ਦੌਰਾਨ ਉਸ ਨੂੰ 2 ਜ਼ੋਰਦਾਰ ਮੁੱਕੇ ਮਾਰਨ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਨੇ ਮਾਮਲੇ 'ਚ ਜਵਾਬ ਦਿੱਤਾ ਹੈ।
ਘਟਨਾ 26 ਨਵੰਬਰ ਦੀ ਦੱਸੀ ਗਈ ਹੈ।
ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਪੁਲਿਸ ਦਾ ਕਹਿਣਾ ਹੈ ਕਿ ਅਫ਼ਸਰ ਐਬਟਸਫੋਰਡ ਸੈਂਟਰ 'ਚ ਔਫਸਪਰਿੰਗ ਰੌਕ ਕੌਂਸਰਟ 'ਚ ਮੌਜੂਦ ਸਨ।
ਪੁਲਿਸ ਅਨੁਸਾਰ ਕੌਂਸਰਟ ਖਤਮ ਹੋਣ ਤੋਂ ਬਾਅਦ ਅਫਸਰਾਂ ਵੱਲੋਂ ਕਮਿਊਨਿਟੀ ਦੇ ਇੱਕ ਮੈਂਬਰ ਨਾਲ ਡੀਲ ਕੀਤਾ ਜਾ ਰਿਹਾ ਸੀ ਜਦ ਇੱਕ ਵਿਅਕਤੀ ਜਾਂਚ ਵਿੱਚ ਦਖਲ ਦੇਣ ਲੱਗਿਆ।
ਪੁਲਿਸ ਅਨੁਸਾਰ ਆਦਮੀ ਨੇ ਅਫਸਰਾਂ ਦੀ ਮੌਕੇ ਤੋਂ ਜਾਣ ਦੀ ਗੱਲ ਨਹੀਂ ਮੰਨੀ।
ਇਸੇ ਦੌਰਾਨ ਅਫਸਰਾਂ ਨੇ ਆਦਮੀ ਨੂੰ ਆਖਿਆ ਕਿ ਉਸ ਨੂੰ ਗ੍ਰਿਫਤਾਰ ਕੀਤਾ ਜਾ ਰਿਹਾ ਹੈ ਪਰ ਪੁਲਿਸ ਅਨੁਸਾਰ ਆਦਮੀ ਉਸ ਵੇਲੇ ਵੀ ਅਫਸਰਾਂ ਦੀ ਗੱਲ ਨਹੀਂ ਮੰਨ ਰਿਹਾ ਸੀ ਅਤੇ ਇਸੇ ਕਾਰਨ ਅਫ਼ਸਰ ਨੇ ਆਦਮੀ ਦੇ ਜਬਾੜੇ 'ਤੇ ਮੁੱਕਿਆਂ ਨਾਲ ਵਾਰ ਕੀਤੇ।
ਪੁਲਿਸ ਦਾ ਕਹਿਣਾ ਹੈ ਕਿ ਐਕਸ਼ਨ ਦੇ ਵੀਡੀਓ ਬਾਰੇ ਉਨ੍ਹਾਂ ਕੋਲ ਜਾਣਕਾਰੀ ਹੈ ਅਤੇ ਇਸ ਦਾ ਰੀਵਿਊ ਐਬਟਸਫੋਰਡ ਪੁਲਿਸ ਦੇ ਪ੍ਰੋਫੈਸ਼ਨਲ ਸਟੈਂਡਰਡਸ ਸੈਕਸ਼ਨ ਵੱਲੋਂ ਕੀਤਾ ਜਾ ਰਿਹਾ ਹੈ।
ਘਟਨਾ ਦਾ ਵੀਡੀਓ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੇਖਿਆ ਜਾ ਸਕਦਾ ਹੈ।
