17.73C Vancouver 17.73C VancouverMar 9, 2021 4:16 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਉਹ ਲੋਕ ਜੋ ਕੋਵਿਡ-19 ਦੇ ਟੀਕੇ ਦੇ ਯੋਗ ਹਨ ਪਰ ਜਿਨ੍ਹਾਂ ਨੂੰ ਸੋਮਵਾਰ ਨੂੰ ਫੋਨ ਕਾਲਾਂ ਦੀ ਵੱਧ ਗਿਣਤੀ ਕਾਰਣ ਅਪੋਇੰਟਮੈਂਟ ਨਹੀਂ ਮਿਲ ਸਕੀ, ਨੂੰ ਕੋਸ਼ਿਸ਼ ਕਰਦੇ ਰਹਿਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।
ਹੈਲਥ ਮਨਿਸਟਰੀ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਪਹਿਲੇ ਦਿਨ 90 ਸਾਲ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਅਤੇ 65 ਸਾਲ ਤੋਂ ਵੱਧ ਉਮਰ ਦੇ ਇੰਡੀਜਨਸ ਲੋਕਾਂ ਲਈ ਤਕਰੀਬਨ 15,000 ਅਪੋਇੰਟਮੈਂਟਸ ਬੁੱਕ ਕੀਤੀਆਂ ਗਈਆਂ ਸਨ।
ਸਿਰਫ ਫਰੇਜ਼ਰ ਹੈਲਥ ਵਲੋਂ ਬੁਕਿੰਗ ਲਈ ਔਨਲਾਈਨ ਸੁਵਿਧਾ ਉਪਲੱਭਦ ਸੀ ਅਤੇ ਉਸ ਰਾਹੀਂ 8,722 ਲੋਕਾਂ ਨੇ ਅਪੋਇੰਟਮੈਂਟ ਬੁੱਕ ਕੀਤੀਆਂ।
ਇੰਟੀਰਿਅਰ ਅਤੇ ਵੈਨਕੂਵਰ ਆਈਲੈਂਡ ਦੇ ਸਿਹਤ ਅਧਿਕਾਰੀਆਂ ਵਲੋਂ 2,500 ਅਤੇ ਉੱਤਰੀ ਇਲਾਕੇ ਵਿੱਚ 1,000 ਲੋਕਾਂ ਦੀ ਬੁਕਿੰਗ ਕੀਤੀ ਗਈ।
ਮਨਿਸਟਰੀ ਮੁਤਾਬਕ ਵੈਨਕੂਵਰ ਕੋਸਟਲ ਹੈਲਥ ਵਿੱਚ ਸਿਰਫ 369 ਬੁਕਿੰਗ ਹੀ ਕੀਤੀਆਂ ਗਈਆਂ ਸਨ ਅਤੇ ਅਧਿਕਾਰੀਆਂ ਨੇ ਬੁਕਿੰਗ ਨੂੰ ਵਾਪਸ ਟਰੈਕ ’ਤੇ ਲਿਆਉਣ ਲਈ ਸਿਹਤ ਅਥਾਰਟੀ ਨਾਲ ਕੰਮ ਕਰਨ ਦਾ ਵਾਅਦਾ ਕੀਤਾ ਹੈ।
ਬੀ.ਸੀ. ਦੇ ਤਕਰੀਬਨ 80,000 ਵਸਨੀਕ ਇਸ ਹਫਤੇ ਅਪੋਇੰਟਮੈਂਟ ਬੁੱਕ ਕਰਣ ਦੇ ਯੋਗ ਹਨ ਪਰ ਵੱਡੀ ਗਿਣਤੀ ਵਿੱਚ ਲੋਕਾਂ ਨੂੰ ਕੇਅਰ ਫਸਿਲਿਟੀਆਂ ਵਿੱਚ ਹੀ ਟੀਕੇ ਮੁਹਇਆ ਕਰਵਾਏ ਜਾ ਚੁੱਕੇ ਹਨ।
ਮਨਿਸਟਰੀ ਦਾ ਕਹਿਣਾ ਹੈ ਕਿ ਬਾਕੀ ਯੋਗ ਬਜ਼ੁਰਗਾਂ ਨੂੰ ਬੁਕਿੰਗ ਸੂਚੀ ਵਿਚ ਸ਼ਾਮਲ ਕਰਨ ਲਈ ਕਾਫ਼ੀ ਸਮਾਂ ਹੈ।
