14.49C Vancouver 14.49C VancouverMay 28, 2025 7:00 PM - The Canadian Press
ਬੀਸੀ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਵਾਤਾਵਰਣ ਕੈਨੇਡਾ ਨੇ ਦਿਨ ਭਰ ਗਰਮ ਮੌਸਮ ਰਹਿਣ ਦੀ ਚਿਤਾਵਨੀ ਦਿੱਤੀ ਹੈ। ਏਜੰਸੀ ਦੇ ਮੌਸਮ ਵਿਗਿਆਨੀ ਬੌਬੀ ਸੇਖੋਂ ਮੁਤਾਬਕ, ਤਾਪਮਾਨ ਆਮ ਨਾਲੋਂ 5 ਤੋਂ 12 ਡਿਗਰੀ ਵੱਧ ਹੋ ਸਕਦਾ ਹੈ। ਅੰਦਰਲੇ ਹਿੱਸਿਆਂ ਵਿੱਚ ਤਾਪਮਾਨ 30 ਡਿਗਰੀ ਦੇ ਆਸ ਪਾਸ ਤੱਕ ਪਹੁੰਚ ਸਕਦਾ ਹੈ, ਜਦੋਂ ਕਿ ਪਾਣੀ ਦੇ ਕਰੀਬ ਵਾਲੇ ਖੇਤਰਾਂ ਵਿਚ ਇਹ 20 ਡਿਗਰੀ ਦੇ ਕਰੀਬ ਰਹਿਣ ਦੀ ਸੰਭਾਵਨਾ ਹੈ।
ਉਥੇ ਹੀ ਜੂਨ, ਜੁਲਾਈ ਤੇ ਅਗਸਤ ਦੇ ਮਹੀਨਿਆਂ ਲਈ ਮੌਸਮ ਨੈੱਟਵਰਕ ਦੇ ਪੂਰਵ ਅਨੁਮਾਨ ਮੁਤਾਬਕ, ਇਸ ਗਰਮੀਆਂ ਵਿਚ ਕੈਨੇਡਾ ਦੇ ਕੁਝ ਹਿੱਸਿਆਂ ਵਿਚ ਸੋਕਾ, ਜੰਗਲ ਦੀ ਅੱਗ ਅਤੇ ਸ਼ਕਤੀਸ਼ਾਲੀ ਤੂਫ਼ਾਨ ਦਾ ਖ਼ਤਰਾ ਹੋ ਸਕਦਾ ਹੈ ਅਤੇ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਤਾਪਮਾਨ ਆਮ ਨਾਲੋਂ ਵੱਧ ਪਹੁੰਚਣਾ ਸੰਭਵ ਹੈ।
ਵਾਤਾਵਰਣ ਕੈਨੇਡਾ ਦੇ ਮੌਸਮ ਵਿਗਿਆਨੀ ਸੇਖੋਂ ਨੇ ਕਿਹਾ ਕਿ ਬੁੱਧਵਾਰ ਕੈਮਲੂਪਸ, ਫਰੇਜ਼ਰ ਕੈਨਿਯਨ ਵਰਗੇ ਸਥਾਨਾਂ 'ਤੇ ਤਾਪਮਾਨ 34 ਡਿਗਰੀ ਤੱਕ ਪਹੁੰਚ ਸਕਦਾ ਹੈ। ਵੀਰਵਾਰ ਨੂੰ ਬੀਸੀ ਦੇ ਕੁਝ ਹਿੱਸਿਆਂ ਵਿਚ ਠੰਡੀਆਂ ਹਵਾਵਾਂ ਚੱਲਣਗੀਆਂ ਅਤੇ ਛਿਟਪੁਟ ਬਾਰਸ਼ ਹੋਵੇਗੀ, ਨਾਲ ਹੀ ਹਨ੍ਹੇਰੀ-ਤੂਫਾਨ ਦੀ ਵੀ ਸੰਭਾਵਨਾ ਹੈ।
