9.42C Vancouver 9.42C VancouverFeb 14, 2020 2:56 AM -
ਦਿੱਲੀ ਪੁਲਿਸ ਨੇ ਭਜਨਪੁਰਾ ਖੇਤਰ ਵਿੱਚ 5 ਲੋਕਾਂ ਦੇ ਕਤਲ ਦੇ ਮਾਮਲੇ-ਨੂੰ ਸੁਲਝਾਉਣ ਦਾ ਦਾਅਵਾ ਕੀਤਾ ਹੈ।
ਪੁਲਿਸ ਨੇ ਇਸ ਮਾਮਲੇ ਵਿੱਚ 1 ਮੁਲਜ਼ਮ ਨੂੰ ਗਿਰਫਤਾਰ ਕੀਤਾ ਹੈ। ਕਾਬੂ ਕੀਤੇ ਮੁਲਜ਼ਮ ਦਾ ਨਾਮ ਪ੍ਰਭੂ ਮਿਸ਼ਰਾ ਹੈ।
ਇਹ ਮ੍ਰਿਤਕਾਂ ਦਾ ਰਿਸ਼ਤੇਦਾਰ ਦੱਸਿਆ ਜਾ ਰਿਹਾ ਹੈ।
ਪੁਲਿਸ ਅਨੁਸਾਰ ਪ੍ਰਭੂ ਨੇ 5 ਲੋਕਾਂ ਦੀ ਹੱਤਿਆ ਕੀਤੀ ਸੀ।
ਕਤਲ ਦਾ ਕਾਰਨ ਪੈਸੇ ਦਾ ਲੈਣ-ਦੇਣ ਦੱਸਿਆ ਜਾ ਰਿਹਾ ਹੈ।
ਖਬਰਾਂ ਅਨੁਸਾਰ ਸਾਰੇ ਲੋਕ 30 ਹਜ਼ਾਰ ਰੁਪਏ ਦੇ ਲੈਣ-ਦੇਣ ਕਾਰਨ ਮਾਰੇ ਗਏ।
ਭਾਰਤ ਦੀ ਰਾਜਧਾਨੀ ਦੇ ਭਜਨਪੁਰਾ ਖੇਤਰ ਦੇ 'ਸੀ' ਬਲਾਕ 'ਚ ਇੱਕ ਘਰ ਵਿੱਚ ਇੱਕ ਹੀ ਪਰਿਵਾਰ ਨਾਲ ਸਬੰਧਤ 5 ਲੋਕਾਂ ਦੀਆਂ ਲਾਸ਼ਾਂ ਮਿਲੀਆਂ ਸਨ।
ਪੁਲਿਸ ਅਨੁਸਾਰ ਇਹ ਪਰਿਵਾਰ ਕੁਝ ਸਮਾਂ ਪਹਿਲਾਂ ਕਿਰਾਏ ਤੇ ਇਸ ਘਰ ਵਿੱਚ ਰਹਿਣ ਆਇਆ ਸੀ।
ਇਸ ਘਰ ਵਿੱਚ ਸ਼ੰਭੂਨਾਥ (43), ਉਸਦੀ ਪਤਨੀ ਸੁਨੀਤਾ (38), ਧੀ ਕਵਿਤਾ (16), ਪੁੱਤਰ ਸਚਿਨ (14) ਅਤੇ ਇੱਕ ਛੋਟਾ ਪੁੱਤਰ ਇਕੱਠੇ ਰਹਿੰਦੇ ਸਨ।
ਪੁਲਿਸ ਨੇ ਦੱਸਿਆ ਕਿ ਘਰ ਦਾ ਤਾਲਾ ਬਾਹਰੋਂ ਬੰਦ ਸੀ।
ਘਰ ਵਿੱਚੋਂ ਬਦਬੂ ਆਉਣ 'ਤੇ ਗੁਆਂਢੀਆਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਮੌਕੇ' ਤੇ ਪਹੁੰਚੀ ਪੁਲਿਸ ਤਾਲਾ ਤੋੜ ਕੇ ਅੰਦਰ ਦਾਖਲ ਹੋਈ, ਅਤੇ ਸਾਰਾ ਮਾਮਲਾ ਉਜਾਗਰ ਹੋਇਆ।
