14.04C Vancouver 14.04C VancouverJun 20, 2024 6:08 PM - The Canadian Press
ਕੈਨੇਡੀਅਨ ਅਦਾਕਾਰ ਡੋਨਾਲਡ ਸਦਰਲੈਂਡ ਦਾ ਦਿਹਾਂਤ ਹੋ ਗਿਆ ਹੈ। ਉਹ 88 ਸਾਲ ਦੇ ਸਨ। ਉਨ੍ਹਾਂ ਦੇ ਬੇਟੇ ਅਤੇ ਅਦਾਕਾਰ ਕੀਫਰ ਸਦਰਲੈਂਡ ਨੇ ਸੋਸ਼ਲ ਮੀਡੀਆ ਪੋਸਟ ਵਿਚ ਇਸ ਦੀ ਜਾਣਕਾਰੀ ਦਿੱਤੀ।
ਮੈਸ਼ ਅਤੇ ਦਿ ਹੰਗਰ ਗੇਮ ਦੇ ਦਿੱਗਜ ਸਟਾਰ ਸਦਰਲੈਂਡ ਨੇ ਅੰਤਿਮ ਸਾਹ ਮਿਆਮੀ ਵਿਚ ਲਏ, ਉਹ ਲੰਮੇ ਸਮੇਂ ਤੋਂ ਬਿਮਾਰ ਸਨ। ਸਦਰਲੈਂਡ ਨੇ ਆਪਣੇ ਬੇਟੇ ਕੀਫਰ ਨਾਲ ਵੀ ਤਿੰਨ ਫਿਲਮਾਂ ਵਿਚ ਕੰਮ ਕੀਤਾ। ਉਹ 1970 ਦੇ ਦਹਾਕੇ ਵਿਚ ਹੌਲੀਵੁੱਡ ਦੇ ਸਭ ਤੋਂ ਵੱਡੇ ਸਿਤਾਰਿਆਂ ਵਿਚੋਂ ਇੱਕ ਸਨ।
80 ਦੇ ਦਹਾਕੇ ਤੱਕ ਫਿਲਮ ਅਤੇ ਟੀ. ਵੀ. ਪ੍ਰੋਜੈਕਟਸ ਲਈ ਉਨ੍ਹਾਂ ਦੀ ਮੰਗ ਬਣੀ ਰਹੀ। ਆਪਣੀ ਆਮ ਲੁੱਕ ਅਤੇ ਇੱਕ ਅਭਿਨੇਤਾ ਦੇ ਰੂਪ ਵਿਚ ਬਹੁਮੁਖੀ ਪ੍ਰਤਿਭਾ ਲਈ ਜਾਣੇ ਜਾਂਦੇ ਡੋਨਾਲਡ ਸਦਰਲੈਂਡ ਨੇ ਕਈ ਯਾਦਗਾਰੀ ਕਿਰਦਾਰ ਨਿਭਾਏ ਸਨ।
