30.22C Vancouver 30.22C VancouverDec 29, 2020 8:31 PM -
ਫੈਡਰਲ ਇੰਡਸਟਰੀ ਮੰਤਰੀ ਨਵਦੀਪ ਬੈਂਸ ਦਾ ਕਹਿਣਾ ਹੈ ਕਿ ਦੇਸ਼ ਦੇ ਸਾਹਮਣੇ ਨਵੇਂ ਸਾਲ 'ਚ ਵੱਡੇ ਮਾਨਸਿਕ ਸਿਹਤ ਸੰਬੰਧੀ ਫਿਕਰ ਖੜੇ ਹਨ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਪੈਂਡੇਮਿਕ ਦੀ ਮਾਰ ਝੱਲ ਰਹੇ, ਵਰਕਰਾਂ ਅਤੇ ਵਪਾਰੀਆਂ ਦੇ ਵਿੱਤੀ ਮਸਲਿਆਂ ਦੇ ਨਾਲ ਮਾਨਸਿਕ ਮਸਲਿਆਂ ਦੇ ਹੱਲ ਕੱਢਣ ਦੀ ਵੀ ਲੋੜ ਹੋਵੇਗੀ।
ਨਵਦੀਪ ਬੈਂਸ ਨੇ ਕਿਹਾ ਕਿ ਉਨ੍ਹਾਂ ਇਹ ਮਾਨਸਿਕ ਦਬਾਅ ਖੁਦ ਆਪਣੇ ਘਰ 'ਚ ਵੀ ਮਹਿਸੂਸ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀਆਂ 2 ਸਕੂਲ ਜਾਣ ਦੀ ਉਮਰ ਵਾਲੀਆਂ ਧੀਆਂ ਹਨ, ਅਤੇ ਉਨ੍ਹਾਂ ਨੂੰ ਸਕੂਲ ਦੇ ਦੋਸਤਾਂ ਅਤੇ ਹੋਰ ਪਰਿਵਾਰਿਕ ਮੈਂਬਰਾਂ ਨਾਲ ਮਿਲਣ ਦੀ ਘਾਟ ਮਹਿਸੂਸ ਹੁੰਦੀ ਹੈ।
ਸਟੈਟਿਸਟਿਕਸ ਕੈਨੇਡਾ ਦੀ ਪੈਂਡੇਮਿਕ ਦਰਮਿਆਨ ਦੀ ਰਿਸਰਚ ਦਰਸ਼ਾਉਂਦੀ ਹੈ ਕਿ ਕਨੇਡੀਅਨ ਲੋਕਾਂ ਨੂੰ ਲਗਦਾ ਹੈ ਕਿ ਉਨ੍ਹਾਂ ਦੀ ਮਾਨਸਿਕ ਸਿਹਤ 'ਚ ਗਿਰਾਵਟ ਆਈ ਹੈ, ਅਤੇ ਇਹ ਕੋਵਿਡ-19 ਪੈਂਡੇਮਿਕ ਤੋਂ ਪਹਿਲਾਂ ਬਿਹਤਰ ਸੀ।
