12.5C Vancouver 12.5C VancouverAug 11, 2021 7:15 PM -
ਐਡਮਿਰਲ ਆਰਟ ਮੈਕਡੌਨਲਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਫੈਸਲਾ ਲਿਆ ਹੈ ਕਿ ਕਨੇਡੀਅਨ ਆਰਮਡ ਫੋਰਸਿਸ ਦੇ ਕਮਾਂਡਰ ਦੀ ਜ਼ਿੰਮੇਵਾਰੀ 'ਤੇ ਵਾਪਿਸ ਪਰਤਿਆ ਜਾਵੇ।
ਅਜਿਹਾ ਉਸ ਵੇਲੇ ਹੋਇਆ ਹੈ ਜਦ ਮਿਲਿਟਰੀ ਜਾਂਚ ਵਿੱਚ ਐਡਮਿਰਲ ਆਰਟ ਮੈਕਡੌਨਲਡ ਨੂੰ ਦੋਸ਼ੀ ਨਹੀਂ ਪਾਇਆ ਗਿਆ ਹੈ।
ਮੈਕਡੌਨਲਡ ਨੇ ਵੋਲੰਟਰੀ ਪੱਧਰ 'ਤੇ 'ਚੀਫ਼ ਆਫ ਡਿਫੈਂਸ ਸਟਾਫ਼' ਦੇ ਅਹੁਦੇ ਨੂੰ ਇਸੇ ਸਾਲ ਫਰਵਰੀ 'ਚ ਛੱਡਿਆ ਸੀ ਜਦ ਉਨ੍ਹਾਂ 'ਤੇ ਮਿਸਕੰਡਕਟ ਦੇ ਇਲਜਾਮ ਲੱਗੇ ਸਨ।
'ਕਨੇਡੀਅਨ ਫੋਰਸਿਸ ਨੈਸ਼ਨਲ ਇਨਵੈਸਟੀਗੇਸ਼ਨ ਸਰਵਿਸ' ਵੱਲੋਂ ਜਾਂਚ ਕੀਤੀ ਗਈ ਸੀ।
ਮੈਕਡੌਨਲਡ ਨੇ ਇੱਕ ਬਿਆਨ 'ਚ ਕਿਹਾ ਕਿ 6 ਮਹੀਨੇ ਦੀ ਜਾਂਚ 'ਚ ਉਨ੍ਹਾਂ ਨੂੰ ਬੇਕਸੂਰ ਪਾਇਆ ਗਿਆ ਹੈ ਅਤੇ ਇਸੇ ਕਾਰਨ ਉਹ ਆਪਣਾ ਅਹੁਦਾ ਸੰਭਾਲਣ ਲਈ ਤਿਆਰ ਹਨ।
ਯਾਦ ਰਹੇ ਇਸ ਵੇਲੇ ਲਿਊਟਨੈਂਟ ਜਨਰਲ ਵੇਨ ਆਇਰ 'ਐਕਟਿੰਗ ਡਿਫੈਂਸ ਚੀਫ਼' ਦੀ ਭੂਮਿਕਾ 'ਚ ਹਨ ਅਤੇ ਇਹ ਸਪਸ਼ਟ ਨਹੀਂ ਹੈ ਕਿ, ਉਨ੍ਹਾਂ ਤੋਂ ਕਮਾਂਡ ਵਾਪਿਸ ਲੈਣ ਦੀ ਕੋਈ ਤਿਆਰੀ ਜਾਂ ਫੈਸਲਾ ਹੋ ਚੁੱਕਿਆ ਹੈ ਜਾਂ ਨਹੀਂ।
