12.61C Vancouver 12.61C VancouverOct 28, 2024 12:47 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਅਹੁਦਾ ਛੱਡਣ ਲਈ ਉਨ੍ਹਾਂ ਦੀ ਪਾਰਟੀ ਦੇ 24 ਐੱਮ.ਪੀ. ਵਲੋਂ ਦਿੱਤੀ ਗਈ ਡੈੱਡਲਾਈਨ ਅੱਜ ਸਮਾਪਤ ਹੋ ਗਈ ਹੈ। ਹਾਲਾਂਕਿ, ਟਰੂਡੋ ਇਹ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕੇ ਹਨ ਕਿ ਉਹ ਪ੍ਰਧਾਨ ਮੰਤਰੀ ਬਣੇ ਰਹਿਣਗੇ ਅਤੇ ਨਾਲ ਹੀ ਅਗਲੀਆਂ ਚੋਣਾਂ ਵਿਚ ਵੀ ਲਿਬਰਲਸ ਦੀ ਅਗਵਾਈ ਕਰਨਗੇ।
ਮੰਗਲਵਾਰ ਨੂੰ ਟਰੂਡੋ ਦੀ ਘੱਟ ਗਿਣਤੀ ਸਰਕਾਰ ਬਲਾਕ ਕਿਊਬੇਕੋਇਸ ਦੀ ਡੈੱਡਲਾਈਨ ਦਾ ਵੀ ਸਾਹਮਣਾ ਕਰਨ ਵਾਲੀ ਹੈ ਕਿਉਂਕਿ ਬਲਾਕ ਨੇ ਲਿਬਰਲਸ ਨੂੰ ਆਪਣੇ ਬੁਢਾਪਾ ਪੈਨਸ਼ਨ ਬਿੱਲ ਸਮੇਤ ਦੋ ਬਿੱਲਾਂ ਨੂੰ ਮਨਜ਼ੂਰ ਕਰਨ ਲਈ 28 ਅਕਤੂਬਰ ਤੱਕ ਦੀ ਸਮਾਂ-ਸੀਮਾ ਦਿੱਤੀ ਹੈ। ਜੇ ਇਹ ਬਿੱਲ ਪਾਸ ਨਹੀਂ ਹੁੰਦੇ ਤਾਂ ਬਲਾਕ ਲੀਡਰ ਯਵੇਸ-ਫਰੈਂਕੋਇਸ ਬਲੈਂਚੇਟ ਨੇ ਹੋਰ ਵਿਰੋਧੀ ਪਾਰਟੀਆਂ ਨਾਲ ਮਿਲ ਕੇ ਸਰਕਾਰ ਡੇਗਣ ਦੀ ਚਿਤਾਵਨੀ ਦਿੱਤੀ ਹੋਈ ਹੈ।
ਗੌਰਤਲਬ ਹੈ ਕਿ ਹੁਣ ਤੱਕ ਮੁੱਖ ਵਿਰੋਧੀ ਧਿਰ ਕੇਜ਼ਰਵੇਟਿਵ ਪਾਰਟੀ ਟਰੂਡੋ ਸਰਕਾਰ ਖਿਲਾਫ ਦੋ ਬੇਭਰੋਸਗੀ ਮਤੇ ਪੇਸ਼ ਕਰ ਚੁੱਕੀ ਹੈ ਅਤੇ ਦੋਹਾਂ ਵਾਰ ਐੱਨ. ਡੀ. ਪੀ. ਅਤੇ ਬਲਾਕ ਕਿਊਬੇਕੋਇਸ ਨੇ ਇਸ ਮਤੇ ਨੂੰ ਪਾਸ ਨਹੀਂ ਹੋਣ ਦਿੱਤਾ। ਉੱਥੇ ਹੀ, ਕ੍ਰਿਸਮਸ ਤੋਂ ਪਹਿਲਾਂ ਪੀਅਰ ਪੋਲੀਵਰੇ ਕੋਲ ਅਵਿਸ਼ਵਾਸ ਮਤਾ ਮੋਸ਼ਨ ਪੇਸ਼ ਕਰਨ ਦਾ ਇੱਕ ਹੋਰ ਮੌਕਾ ਅਜੇ ਬਾਕੀ ਹੈ।
