16.99C Vancouver 16.99C VancouverNov 17, 2022 6:20 PM - The Canadian Press
ਚੀਨ ਦੇ ਇੱਕ ਬੁਲਾਰੇ ਨੇ ਕੈਨੇਡਾ 'ਤੇ 'ਕੌਂਡਸੈਂਡਿੰਗ ਮੈਨਰ' ਯਾਨੀ ਕਿ ਨਿਮਰ ਢੰਗ ਨਾਲ ਪੇਸ਼ ਆਉਣ ਦੇ ਦੋਸ਼ ਲਗਾਏ ਹਨ।
ਚੀਨ ਵੱਲੋਂ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਿਚਾਲੇ ਜੀ-20 ਸੰਮੀਟ ਦੌਰਾਨ ਆਹਮੋ-ਸਾਹਮਣੇ ਦੀ ਤਿੱਖੀ ਗੱਲਬਾਤ ਤੋਂ ਇੱਕ ਦਿਨ ਬਾਤ ਇਹ ਬਿਆਨ ਦਿੱਤਾ ਹੈ।
ਇਸ ਤੋਂ ਮਾਹਿਰਾਂ ਨੇ ਅੰਦਾਜਾ ਲਗਾਉਣਾ ਸ਼ੁਰੂ ਕਰ ਦਿੱਤਾ ਹੈ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਦੁਪੱਖੀ ਗੱਲਬਾਤ ਕਿੰਨੀ ਹੇਠਾਂ ਆ ਗਈ ਹੈ।
ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਵੱਲੋਂ ਇਹ ਟਿੱਪਣੀ ਉਸ ਵੇਲੇ ਕੀਤੀ ਗਈ ਹੈ ਜਦ ਇੱਕ ਦਿਨ ਪਹਿਲਾਂ ਚੀਨੀ ਰਾਸ਼ਟਰਪਤੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਕੁਝ ਮੀਡੀਆ ਰਿਪੋਰਟਸ ਨੂੰ ਲੈਕੇ ਟੋਕਿਆ ਸੀ।
ਦਰਅਸਲ ਟਰੂਡੋ ਨੇ ਦੋਵਾਂ ਵਿਚਾਲੇ ਅਚਾਨਕ ਹੋਈ ਬੈਠਕ ਦੌਰਾਨ ਚੀਨ ਦੇ ਕੈਨੇਡਾ 'ਚ ਅੰਦਰੂਨੀ ਮਸਲਿਆਂ 'ਚ ਦਖਲ ਨੂੰ ਲੈਕੇ ਚਿੰਤਾ ਪ੍ਰਗਟਾਈ ਸੀ ਅਤੇ ਇਸ ਸੰਬੰਧੀ ਗੱਲਬਾਤ ਮੀਡੀਆ ਸਾਹਮਣੇ ਵੀ ਰੱਖ ਦਿੱਤੀ ਸੀ।
ਚੀਨੀ ਰਾਸ਼ਟਰਪਤੀ ਨੇ ਇਸੇ ਮਾਮਲੇ 'ਚ ਨਾਰਾਜਗੀ ਜਾਹਿਰ ਕੀਤੀ ਸੀ।
ਕੱਲ ਦੀ ਦੋਵਾਂ ਦੀ ਗੱਲਬਾਤ ਕੈਮਰੇ 'ਚ ਕੈਦ ਹੋ ਗਈ ਸੀ।
ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਆਖਿਆ ਕਿ ਚੀਨ ਨੇ ਕਦੀ ਵੀ ਕੈਨੇਡਾ ਦੇ ਅੰਦਰੂਨੀ ਮਾਮਲਿਆਂ 'ਚ ਦਖਲ ਨਹੀਂ ਦਿੱਤਾ ਹੈ ਅਤੇ ਦੋਵਾਂ ਦੇਸ਼ਾਂ ਵਿਚਾਲੇ ਰਿਸ਼ਤੇ ਕਮਜੋਰ ਹੋਣ ਪਿੱਛੇ ਕੈਨੇਡਾ ਨੂੰ ਜਿੰਮੇਵਾਰ ਦੱਸਿਆ।
