ਟਰੰਪ ਦੀ ਵਾਪਸੀ ਤੋਂ ਬਾਅਦ ‘ਕੈਨੇਡਾ ਕਿਵੇਂ ਜਾਈਏ’ ਗੂਗਲ ’ਤੇ ਕਰ ਰਿਹੈ ਟਰੈਂਡ

ਅਮਰੀਕਾ ਵਿਚ ਟਰੰਪ ਦੀ ਵਾਪਸੀ ਤੋਂ ਬਾਅਦ ਉੱਥੇ ‘ਕੈਨੇਡਾ ਕਿਵੇਂ ਜਾਈਏ’ ਗੂਗਲ ’ਤੇ ਟਰੈਂਡ ਕਰ ਰਿਹਾ ਹੈ। ਗੂਗਲ ਮੁਤਾਬਕ, ਮੰਗਲਵਾਰ ਰਾਤ ਚੋਣਾਂ ਦੇ ਨਤੀਜੇ ਆਉਣ ਦੇ ਨਾਲ ਹੀ ‘ਮੂਵ ਟੂ ਕੈਨੇਡਾ’ ਟਰੈਂਡ ਸ਼ੁਰੂ ਹੋ ਗਿਆ ਸੀ ਅਤੇ ਰਾਤ ਭਰ ਇਹ ਵਧਦਾ ਗਿਆ ਤੇ ਬੁੱਧਵਾਰ ਸਵੇਰ ਜਦੋਂ ਚੋਣ ਨਤੀਜਿਆਂ ਦੀ ਖ਼ਬਰ ਫੈਲੀ ਤਾਂ 6 ਵਜੇ ਇਹ ਟਰੈਂਡ ਪੀਕ ’ਤੇ ਸੀ।

ਗੂਗਲ ’ਤੇ ‘ਮੂਵ ਟੂ ਕੈਨੇਡਾ’ ਬਾਰੇ ਸਰਚ ਖਾਸ ਤੌਰ ’ਤੇ ਵਰਮੋਂਟ, ਮੇਨ, ਨਿਊ ਹੈਂਪਸ਼ਾਇਰ, ਓਰੇਗਨ ਅਤੇ ਮਿਨੇਸੋਟਾ ਵਿਚ ਹੋਈ। ਜਿੱਥੋਂ ਕਮਲਾ ਹੈਰਿਸ ਦੀ ਜਿੱਤ ਹੋਈ ਹੈ। ਉੱਥੇ ਹੀ ਕੈਨੇਡਾ ਵਿੱਚ ਰਹਿਣ ਲਈ ਸਭ ਤੋਂ ਵਧੀਆ ਸਥਾਨ, ਅਤੇ ‘ਕੈਨੇਡਾ ਲਈ ਵੀਜ਼ਾ ਕਿਵੇਂ ਪ੍ਰਾਪਤ ਕਰਨਾ ਹੈ।’ ਇਨ੍ਹਾਂ ਬਾਰੇ ਵੀ ਸਰਚ ਹੋਈ।

ਗੂਗਲ ਮੁਤਾਬਕ, ਅਮਰੀਕਾ ਯੂਜ਼ਰਸ ਵਲੋਂ ਆਸਟ੍ਰੇਲੀਆ, ਸਵਿਟਜ਼ਰਲੈਂਡ, ਡੈਨਮਾਰਕ ਅਤੇ ਨਾਰਵੇ ਜਾਣ ਦੇ ਤਰੀਕਿਆਂ ਬਾਰੇ ਵੀ ਖੋਜ ਕੀਤੀ ਗਈ।