18.53C Vancouver 18.53C VancouverOct 25, 2023 6:29 PM - The Canadian Press
ਟਰਾਂਸਪੋਰਟ ਮੰਤਰੀ ਪਾਬਲੋ ਰੌਡਰਿਗਜ਼ ਨੇ ਏਅਰ ਕੈਨੇਡਾ ਵੱਲੋਂ ਬ੍ਰਿਟਿਸ਼ ਐਮਪੀ ਤੋਂ ਮੁਆਫ਼ੀ ਮੰਗਣ ਨੂੰ ਸਹੀ ਠਹਿਰਾਇਆ ਹੈ।
ਦਰਅਸਲ ਏਅਰ ਕੈਨੇਡਾ ਨੇ ਬ੍ਰਿਟਿਸ਼ ਐਮਪੀ ਨੂੰ ਪਿਛਲੇ ਹਫਤੇ ਸੰਸਦੀ ਕਮੇਟੀ ਦੇ ਨਾਲ ਕੈਨੇਡਾ ਆਉਣ ਅਤੇ ਜਾਣ ਸਮੇਂ ਵਾਧੂ ਸੁਰੱਖਿਆ ਸਕ੍ਰੀਨਿੰਗ ਲਈ ਰੋਕਿਆ ਸੀ।
ਮੁਹੰਮਦ ਯਾਸੀਨ ਨੂੰ ਲੰਡਨ ਦੇ ਹੀਥਰੋ ਹਵਾਈ ਅੱਡੇ 'ਤੇ ਪੁੱਛਗਿੱਛ ਲਈ ਰੋਕਿਆ ਗਿਆ ਫਿਰ ਮੌਂਟਰੀਅਲ ਅਤੇ ਟੋਰੌਂਟੋ ਦੇ ਹਵਾਈ ਅੱਡਿਆਂ 'ਤੇ ਰੋਕ ਕੇ ਪੁੱਛਗਿੱਛ ਕੀਤੀ ਗਈ।
ਯਾਸੀਨ ਦੇ ਸਾਥੀ ਨੇ ਦੱਸਿਆ ਕਿ ਉਨ੍ਹਾਂ ਦਾ ਨਾਮ ਮੁਹੰਮਦ ਹੋਣ ਕਰਕੇ ਉਨ੍ਹਾਂ ਨੂੰ ਰੋਕਿਆ ਗਿਆ ਸੀ ਅਤੇ ਇਹ ਘਟਨਾ ਨਸਲਵਾਦੀ ਅਤੇ ਇਸਲਾਮੋਫੋਬਿਕ ਸੀ।
ਰੌਡਰਿਗਜ਼ ਦਾ ਕਹਿਣਾ ਹੈ ਕਿ ਘਟਨਾ ਦੀ ਜਾਣਕਾਰੀ ਸਾਹਮਣੇ ਆਉਣ ਤੋਂ ਬਾਅਦ ਸਰਕਾਰ ਨੇ ਏਅਰ ਕੈਨੇਡਾ ਤੱਕ ਪਹੁੰਚ ਕੀਤੀ ਅਤੇ ਏਅਰਲਾਈਨ ਨੇ ਮੁਆਫੀ ਮੰਗ ਲਈ ਹੈ।
ਹਾਲਾਂਕਿ ਏਅਰ ਕੈਨੇਡਾ ਨੇ ਇਹ ਨਹੀਂ ਦੱਸਿਆ ਕਿ ਯਾਸੀਨ ਤੋਂ ਪੁੱਛਗਿੱਛ ਕਿਉਂ ਕੀਤੀ ਗਈ ਸੀ।
ਓਟਾਵਾ ਵਿੱਚ ਬ੍ਰਿਟਿਸ਼ ਹਾਈ ਕਮਿਸ਼ਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਫੈਡਰਲ ਸਰਕਾਰ ਨਾਲ ਯਾਸੀਨ ਦੇ ਤਜ਼ਰਬੇ ਬਾਰੇ ਚਿੰਤਾ ਜ਼ਾਹਰ ਕੀਤੀ ਹੈ।
