16.45C Vancouver 16.45C VancouverAug 10, 2026 2:13 PM - Connect Newsroom - Ramandeep Kaur with files from The Canadian Press
ਏਅਰ ਕੈਨੇਡਾ ਨੇ ਮਿਡਲ ਈਸਟ ਵਿਚ ਚੱਲ ਰਹੀ ਅਨਿਸ਼ਚਿਤਤਾ ਕਾਰਨ ਦੁਬਈ ਅਤੇ ਤੇਲ ਅਵੀਵ ਲਈ ਆਪਣੀਆਂ ਉਡਾਣਾਂ ਦੀ ਮੁਅੱਤਲੀ ਨੂੰ ਜਨਵਰੀ 2027 ਤੱਕ ਵਧਾ ਦਿੱਤਾ ਹੈ। ਪਹਿਲਾਂ ਏਅਰਲਾਈਨ ਵੱਲੋਂ ਆਪਣੇ ਸਰਦੀਆਂ ਦੀ ਸਮਾਂ-ਸਾਰਣੀ ਦੇ ਹਿੱਸੇ ਵਜੋਂ ਦੁਬਈ ਲਈ ਫਲਾਈਟਸ ਮੁੜ ਸ਼ੁਰੂ ਕਰਨ ਦੀ ਉਮੀਦ ਕੀਤੀ ਜਾ ਰਹੀ ਸੀ।
ਤੇਲ ਅਵੀਵ ਲਈ ਵੀ ਇਸੇ ਸਮੇਂ ਦੇ ਆਸ-ਪਾਸ ਉਡਾਣਾਂ ਮੁੜ ਸ਼ੁਰੂ ਕਰਨ ਦੀ ਸੰਭਾਵਨਾ ਸੀ ਪਰ ਏਅਰ ਕੈਨੇਡਾਨੇ ਤਾਜ਼ਾ ਅਪਡੇਟ ਵਿਚ ਸਾਫ ਕੀਤਾ ਹੈ ਕਿ ਉਸ ਦੀਆਂ ਦੁਬਈ ਇ੍ੰਟਰਨੈਸ਼ਨਲ ਏਅਰਪੋਰਟ ਅਤੇ ਇਜ਼ਰਾਇਲ ਦੇ ਤੇਲ ਅਵੀਵ ਲਈ ਉਡਾਣਾਂ ਜਨਵਰੀ ਦੇ ਅੱਧ ਤੋਂ ਪਹਿਲਾਂ ਸ਼ੁਰੂ ਹੋਣ ਦੀ ਉਮੀਦ ਨਹੀਂ ਹੈ। ਏਅਰਲਾਈਨ ਨੇ ਪ੍ਰਭਾਵਿਤ ਯਾਤਰੀਆਂ ਲਈ ਫਲੈਕਸੀਬਲ ਬੁਕਿੰਗ ਪਾਲਿਸੀ ਵੀ ਪੇਸ਼ ਕੀਤੀ ਹੈ, ਜਿਸ ਤਹਿਤ ਉਹ ਬਿਨਾਂ ਕਿਸੇ ਵਾਧੂ ਫੀਸ ਦੇ ਆਪਣੀ ਟਿਕਟ ਨੂੰ ਅੱਗੇ ਲਈ ਰੀਬੁੱਕ ਕਰ ਸਕਦੇ ਹਨ ਜਾਂ ਆਪਣਾ ਰੂਟ ਬਦਲ ਸਕਦੇ ਹਨ ਜਾਂ ਯਾਤਰਾ ਰੱਦ ਕਰਕੇ ਭਵਿੱਖ ਲਈ ਏਅਰ ਕੈਨੇਡਾ ਟ੍ਰੈਵਲ ਕ੍ਰੈਡਿਟ ਪ੍ਰਾਪਤ ਕਰ ਸਕਦੇ ਹਨ।
ਹਾਲਾਂਕਿ, ਅਮੀਰਾਤ ਅਤੇ ਫਲਾਈਦੁਬਈ ਵਰਗੀਆਂ ਸਥਾਨਕ ਏਅਰਲਾਈਨ ਅਜੇ ਵੀ ਦੁਬਈ ਤੋਂ ਕੰਮ ਕਰ ਰਹੀਆਂ ਹਨ, ਉੱਥੇ ਹੀ ਬ੍ਰਿਟਿਸ਼ ਏਅਰਵੇਜ਼, ਕੈਥੇ ਪੈਸੀਫਿਕ, ਕੇਐਲਐਮ ਅਤੇ ਸਿੰਗਾਪੁਰ ਏਅਰਲਾਈਨਜ਼ ਸਮੇਤ ਕਈ ਹੋਰ ਅੰਤਰਰਾਸ਼ਟਰੀ ਕੰਪਨੀਆਂ ਵੀ ਦੁਬਈ ਲਈ ਉਡਾਣਾਂ ਚਲਾਉਣ ਨੂੰ ਲੈ ਕੇ ਅਜੇ ਵਿਚਾਰ ਕਰ ਰਹੀਆਂ ਹਨ।
