8.58C Vancouver 8.58C VancouverMar 21, 2020 4:10 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਫੈਲਾਅ ਨੂੰ ਰੋਕਣ ਲਈ ਕਈ ਮੁਲਕਾਂ ਵੱਲੋਂ ਐਲਾਨੇ ਗਏ ਲਾਕਡਾਊਨ ਅਤੇ ਏਅਰ ਸਪੇਸ ਪਾਬੰਦੀਆਂ ਕਾਰਨ ਇਨ੍ਹਾਂ ਮੁਲਕਾਂ ਵਿੱਚ ਫਸੇ ਹਰ ਕਨੇਡੀਅਨ ਨੂੰ ਸਰਕਾਰ ਵਾਪਸ ਨਹੀਂ ਲਿਆ ਸਕੇਗੀ।
ਬਾਹਰਲੇ ਮੁਲਕਾਂ ਵਿੱਚ ਫਸੇ ਕੈਨੇਡੀਅਨਾਂ ਨੂੰ ਟਰੂਡੋ ਨੇ ਬੇਨਤੀ ਕੀਤੀ ਕਿ ਉਹ ਸੁਰੱਖਿਅਤ ਰਹਿਣ, ਗਲੋਬਲ ਅਫੇਅਰਜ਼ ਕੈਨੇਡਾ ਦੇ ਨਾਲ ਸੰਪਰਕ ਕਰਨ, ਅਤੇ ਫਲਾਈਟ ਵਿਚ ਸੀਟ ਕਨਫਰਮ ਹੋਣ ਤੋਂ ਬਿਨਾਂ ਏਅਰਪੋਰਟ ਨਾ ਜਾਣ।
ਮੋਰਾਕੋ ਵਿੱਚ ਫਸੇ ਕੈਨੇਡੀਅਨਾਂ ਨੂੰ ਵਾਪਸ ਲਿਆਉਣ ਵਾਲੀ ਏਅਰ ਕੈਨੇਡਾ ਫਲਾਈਟ ਅੱਜ ਮਾਂਟਰੀਆਲ ਪਹੁੰਚੇਗੀ।
ਟਰੂਡੋ ਨੇ ਕਿਹਾ ਕਿ ਬਾਕੀ ਮੁਲਕਾਂ ਤੋਂ ਕੈਨੇਡੀਅਨਾਂ ਨੂੰ ਵਾਪਸ ਲਿਆਉਣ ਲਈ ਸਰਕਾਰ ਏਅਰਲਾਈਨਾਂ ਦੇ ਨਾਲ ਸੰਪਰਕ ਵਿੱਚ ਹੈ।
ਉਨ੍ਹਾਂ ਕਿਹਾ ਕਿ ਮੋਰਾਕੋ ਤੋਂ ਬਾਅਦ ਪੇਰੂ ਅਤੇ ਸਪੇਨ ਦੀ ਵਾਰੀ ਆਉਣ ਦੀ ਸੰਭਾਵਨਾ ਹੈ।
ਟਰੂਡੋ ਨੇ ਦੱਸਿਆ ਕਿ ਯਾਤਰੀਆਂ ਨੂੰ ਆਪਣੀ ਟਿਕਟ ਦੀ ਵਾਜਬ ਕੀਮਤ ਅਦਾ ਕਰਨੀ ਪਵੇਗੀ ਪਰ ਸਰਕਾਰ ਵੱਲੋਂ ਵੀ ਇਨ੍ਹਾਂ ਫਲਾਈਟਾਂ ਦੇ ਕੁਝ ਖਰਚੇ ਚੱਕੇ ਜਾਣਗੇ।
ਕੈਨੇਡਾ ਵਿੱਚ ਇਸ ਵੇਲੇ ਕੋਵਿਡ-19 ਦੇ 1100 ਤੋਂ ਵੀ ਵੱਧ ਮਾਮਲੇ ਹਨ।
