ਏਅਰ ਕੈਨੇਡਾ ਨੇ ਐਮਰਜੈਂਸੀ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਵਰਤੋਂ ਆਸਰੇ ਕਾਮਿਆਂ ਨੂੰ ਵਾਪਿਸ ਸੱਦਣ ਦੇ ਦਿੱਤੇ ਸੰਕੇਤ

ਏਅਰ ਕੈਨੇਡਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਔਟਵਾ ਤੋਂ ਪ੍ਰਦਾਨ ਕੀਤੇ ਜਾ ਰਹੇ ਐਮਰਜੈਂਸੀ ਵੇਜ ਸਬਸਿਡੀ ਪ੍ਰੋਗਰਾਮ ਦਾ ਲਾਭ ਲਿਆ ਜਾਵੇਗਾ ਅਤੇ ਆਪਣੇ ਲੇਅ ਆਫ ਕੀਤੇ ਗਏ ਕਰਮਚਾਰੀਆਂ ਨੂੰ ਪੇਰੋਲ 'ਤੇ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।

ਏਅਰਲਾਈਨ ਨੇ ਬੀਤੇ ਮਹੀਨੇ ਐਲਾਨ ਕੀਤਾ ਸੀ ਕਿ 16,500 ਲੋਕਾਂ ਨੂੰ ਲੇਅ ਆਫ ਕੀਤਾ ਜੇਵਗਾ, ਤਾਂ ਜੋ ਮੌਜੂਦਾ ਗਲੋਬਲ ਟ੍ਰੈਵਲਿੰਗ ਸੰਬੰਧੀ ਕਈ ਕਿਸਮ ਦੀਆਂ ਪਬੰਧੀਆਂ ਦੇ ਚਲਦੇ ਵਿੱਤੀ ਘਾਟਿਆਂ ਨਾਲ ਨਜਿੱਠਿਆ ਜਾ ਸਕੇ।

ਏਅਰ ਕੈਨੇਡਾ ਦਾ ਕਹਿਣਾ ਹੈ ਕਿ ਵੇਜ ਲੈਵਲ ਦੇ ਅਨੁਸਾਰ ਬਹੁਤ ਸਾਰੇ ਕਾਮੇ ਅਜਿਹੇ ਹਨ, ਜਿੰਨਾ ਨੂੰ ਕੈਨੇਡਾ ਐਮਰਜੈਂਸੀ ਵੇਜ ਸਬਸਿਡੀ ਪ੍ਰੋਗਰਾਮ ਦੇ ਆਸਰੇ ਐਂਪਲਾਇਮੈਂਟ ਇਨਸ਼ੂਰੈਂਸ ਤੋਂ ਮਿਲਣ ਵਾਲੇ ਲਾਭ ਤੋਂ ਵਧੇਰੇ ਲਾਭ ਮਿਲ ਸਕੇਗਾ।

ਯਾਦ ਰਹੇ ਹਵਾਈ ਸੇਵਾ ਵੱਲੋਂ ਆਪਣੀ ਸਿਟਿੰਗ ਕਪੈਸਟੀ 'ਚ 85% ਤੋਂ 90% ਦੀ ਕਟੌਤੀ ਕੀਤੀ ਗਈ ਹੈ।