13.76C Vancouver 13.76C VancouverMar 2, 2026 7:07 PM - Connect Newsroom - Ramandeep Kaur with files from The Canadian Press
ਏਅਰ ਕੈਨੇਡਾ ਨੇ ਮਿਡਲ ਈਸਟ ਵਿਚ ਜੰਗੀ ਹਾਲਾਤ ਕਾਰਨ ਇਜ਼ਰਾਇਲ ਅਤੇ ਦੁਬਈ ਦੀਆਂ ਸਾਰੀਆਂ ਉਡਾਣਾਂ ਨੂੰ 22 ਮਾਰਚ ਤੱਕ ਰੱਦ ਕਰਨ ਦਾ ਐਲਾਨ ਕੀਤਾ ਹੈ। ਮੁਸਾਫ਼ਰਾਂ ਲਈ ਜਾਰੀ ਕੀਤੀ ਨਵੀਂ ਐਡਵਾਈਜ਼ਰੀ ਵਿਚ ਏਅਰਲਾਈਨ ਨੇ ਕਿਹਾ ਕਿ ਜੇਕਰ ਹਾਲਾਤ ਠੀਕ ਰਹੇ ਤਾਂ ਇਹ ਸੇਵਾਵਾਂ 23 ਮਾਰਚ ਤੋਂ ਮੁੜ ਸ਼ੁਰੂ ਕੀਤੀਆਂ ਜਾਣਗੀਆਂ।
ਏਅਰ ਕੈਨੇਡਾ ਮੁਤਾਬਕ, ਸਸਪੈਂਸ਼ਨ ਕਾਰਨ ਪ੍ਰਭਾਵਿਤ ਹੋਈਆਂ ਫਲਾਈਟਸ ਲਈ ਯਾਤਰੀ ਆਪਣੀ ਬੁਕਿੰਗ ਵਿਚ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਬਦਲਾਅ ਕਰ ਸਕਦੇ ਹਨ। ਜੇਕਰ ਕੋਈ ਯਾਤਰੀ ਆਪਣੀ ਯਾਤਰਾ ਰੱਦ ਕਰਨਾ ਚਾਹੁੰਦਾ ਹੈ ਤਾਂ ਉਸ ਨੂੰ ਪੂਰਾ ਰਿਫੰਡ ਦਿੱਤਾ ਜਾਵੇਗਾ।
ਇਸ ਤੋਂ ਇਲਾਵਾ ਜੇ ਕਿਸੇ ਦੀ ਮਿਡਲ ਈਸਟ ਰਾਹੀਂ ਜਾਣ ਵਾਲੀ ਫਲਾਈਟ ਪ੍ਰਭਾਵਿਤ ਨਹੀਂ ਹੋਈ ਪਰ ਉਹ ਯਾਤਰਾ ਯੋਜਨਾ ਬਦਲਣਾ ਚਾਹੁੰਦਾ ਹੈ ਤਾਂ ਏਅਰਲਾਈਨ ਨੇ ਕਿਹਾ ਹੈ ਕਿ ਅਬੂ ਧਾਬੀ, ਅੱਮਾਨ, ਬੇਰੂਤ, ਦਮਾਮ, ਦੁਬਈ, ਅਰਬਿਲ ਅਤੇ ਤੇਲ ਅਵੀਵ ਲਈ 28 ਫਰਵਰੀ ਤੋਂ ਪਹਿਲਾਂ ਖਰੀਦੀ ਹੋਈ ਟਿਕਟ ਲਈ ਯਾਤਰਾ ਦੀ ਤਾਰੀਖ ਹੁਣ ਤੋਂ ਲੈ ਕੇ 15 ਮਾਰਚ ਵਿਚਕਾਰ ਬਦਲੀ ਜਾ ਸਕਦੀ ਹੈ। ਯਾਤਰੀ ਆਪਣੀ ਉਡਾਣ ਨੂੰ 31 ਮਾਰਚ, 2026 ਤੱਕ ਦੀ ਕਿਸੇ ਹੋਰ ਤਾਰੀਖ ਲਈ ਬਿਨਾਂ ਕਿਸੇ ਚਾਰਜ ਦੇ ਰੀ-ਬੁੱਕ ਕਰ ਸਕਦੇ ਹਨ।
