7.63C Vancouver 7.63C VancouverJan 8, 2020 7:15 PM -
ਟ੍ਰਾੰਸਪੋਰਟ ਕੈਨੇਡਾ (Transport Canada) ਦਾ ਕਹਿਣਾ ਹੈ ਕਿ ਏਅਰ ਕੈਨੇਡਾ (Air Canada) ਵੱਲੋਂ ਏਅਰਲਾਈਨ ਕੰਪਨੀਆਂ ਉੱਤੇ ਲਗਾਈਆਂ ਗਈਆਂ ਪਾਬੰਦੀਆਂ ਦੀ ਪਾਲਣਾ ਕੀਤੀ ਜਾ ਰਹੀ ਹੈ।
ਇਰਾਨ, ਇਰਾਕ ਅਤੇ ਖਾੜੀ ਖੇਤਰ ਵਿੱਚ ਲੱਗੇ ਇਸ ਪ੍ਰਤਿਬੰਧ ਤੋਂ ਪ੍ਰਭਾਵਿਤ ਹੋਣ ਵਾਲੀ ਏਅਰ ਕੈਨੇਡਾ (Air Canada) ਇਕਲੌਤੀ ਏਅਰਲਾਈਨ ਹੈ।
ਏਅਰ ਕੈਨੇਡਾ ਵੱਲੋਂ ਅਧਿਕਾਰਿਕ ਤੌਰ ’ਤੇ ਪੁਸ਼ਟੀ ਨਹੀਂ ਕੀਤੀ ਗਈ ਪਰ ਦ ਐਸੋਸੀਏਟੇਡ ਪ੍ਰੈਸ (The Associated Press) ਦੇ ਮੁਤਾਬਕ ਏਅਰ ਕੈਨੇਡਾ ਵੱਲੋਂ ਟਰੌਂਟੋ ਤੋਂ ਦੁਬਈ ਜਾਣ ਵਾਲੀ ਫਲਾਈਟ ਦਾ ਰੂਟ ਬਦਲਕੇ, ਇਸ ਫਲਾਈਟ ਨੂੰ ਮਿਸਰ ਅਤੇ ਸਾਊਦੀ ਅਰਬ ਉਪਰੋਂ ਲਿਜਾਇਆ ਗਿਆ ਤਾਂ ਜੋ ਇਰਾਕ ਦੀ ਏਅਰ ਸਪੇਸ (air space) ਤੋਂ ਦੂਰ ਰਿਹਾ ਜਾ ਸਕੇ।
ਵੈਸਟਜੈਟ (WestJet) ਦੀ ਸਾਥੀ ਏਅਰਲਾਈਨ ਏਮੀਰਾਤ (Emirates) ਵੱਲੋਂ ਦੁਬਈ ਅਤੇ ਬਗ਼ਦਾਦ ਵਿਚਕਾਰ ਉੱਡਣ ਵਾਲੀਆਂ ਦੋ ਫਲਾਈਟਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਕੱਲ ਯੂਕਰੇਨ ਦੇ ਇੱਕ ਜਹਾਜ਼ ਦੇ ਈਰਾਨ ਵਿੱਚ ਦੁਰਘਟਨਾਗ੍ਰਸਤ ਹੋਣ ਤੋਂ ਬਾਅਦ ਇਹ ਬਦਲਾਅ ਕੀਤੇ ਗਏ ਹਨ।
ਇਸ ਦੁਰਘਟਨਾ ਵਿੱਚ 63 ਕਨੇਡੀਅਨਾਂ ਸਮੇਤ 176 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ।
