RCMP say Air India Flight 127 was en route from New Delhi to Chicago, but landed instead at the Iqaluit International Airport at 5:21 a.m.
ਏਅਰ ਇੰਡੀਆ ਦੀ ਦਿੱਲੀ ਤੋਂ ਸ਼ਿਕਾਗੋ ਜਾ ਰਹੀ ਫਲਾਈਟ ਸਮੇਤ ਮੰਗਲਵਾਰ ਨੂੰ ਭਾਰਤ ਨਾਲ ਸਬੰਧਤ ਪੰਜ ਫਲਾਈਟਸ ਵਿਚ ਬੰਬ ਦੀ ਧਮਕੀ ਮਿਲੀ। ਆਰ.ਸੀ.ਐੱਮ.ਪੀ. ਮੁਤਾਬਕ, ਏਅਰ ਇੰਡੀਆ ਦੀ ਸ਼ਿਕਾਗੋ ਜਾ ਰਹੀ ਫਲਾਈਟ ਦੀ ਕੈਨੇਡਾ ਦੇ ਇਕਲਯੂਟ ਏਅਰਪੋਰਟ ’ਤੇ ਸਵੇਰੇ 5.20 ਵਜੇ ਐਮਰਜੈਂਸੀ ਲੈਂਡਿੰਗ ਹੋਈ, ਜਿੱਥੇ ਯਾਤਰੀਆਂ ਅਤੇ ਉਸ ਵਿਚ ਮੌਜੂਦ ਸਾਮਾਨ ਦੀ ਜਾਂਚ ਕੀਤੀ ਗਈ। ਇਸ ਫਲਾਈਟ ਵਿਚ 211 ਲੋਕ ਸਵਾਰ ਸਨ।
ਫਲਾਈਟ 24 ਰਾਡਾਰ ਮੁਤਾਬਕ, ਜਹਾਜ਼ ਨੇ ਤੜਕੇ ਦਿੱਲੀ ਤੋਂ ਉਡਾਣ ਭਰੀ ਸੀ, ਜਿਸ ਨੇ ਦੁਪਹਿਰ ਨੂੰ ਸ਼ਿਕਾਗੋ ਪਹੁੰਚਣਾ ਸੀ।
ਭਾਰਤੀ ਏਜੰਸੀਆਂ ਵਲੋਂ ਕੀਤੀ ਗਈ ਜਾਂਚ ਵਿਚ ਪਤਾ ਚੱਲਿਆ ਹੈ ਕਿ ਸਾਰੀਆਂ ਧਮਕੀਆਂ ਇੱਕ ਹੀ ਸ਼ਖਸ ਵਲੋਂ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ’ਤੇ ਦਿੱਤੀਆਂ ਗਈਆਂ ਸਨ ਅਤੇ ਇਹ ਸਾਰੀਆਂ ਧਮਕੀਆਂ ਝੂਠੀਆਂ ਸਨ। ਜਿਨ੍ਹਾਂ ਹੋਰ ਫਲਾਈਟਸ ਨੂੰ ਬੰਬ ਦੀ ਧਮਕੀ ਦਿੱਤੀ ਗਈ, ਉਨ੍ਹਾਂ ਵਿਚ ਜੈਪੁਰ ਤੋਂ ਬੈਂਗਲੁਰੂ ਜਾ ਰਹੀ ਏਅਰ ਇੰਡੀਆ ਦੀ ਫਲਾਈਟ, ਦਰਭੰਗਾ ਤੋਂ ਮੁੰਬਈ ਜਾ ਰਹੀ ਸਪਾਈਸ ਜੈੱਟ ਦੀ ਫਲਾਈਟ, ਸਿਲੀਗੁੜੀ ਤੋਂ ਬੈਂਗਲੁਰੂ ਜਾ ਰਹੀ ਅਕਾਸਾ ਦੀ ਫਲਾਈਟ ਅਤੇ ਸਾਊਦੀ ਤੋਂ ਲਖਨਊ ਜਾ ਰਹੀ ਇੰਡੀਗੋ ਦੀ ਫਲਾਈਟ ਸ਼ਾਮਲ ਸਨ।
12.8C Vancouver
