13.53C Vancouver 13.53C VancouverSep 9, 2024 8:36 PM - The Canadian Press
ਉੱਤਰ-ਪੂਰਬੀ ਬੀ ਸੀ ਵਿਚ ਜੰਗਲੀ ਅੱਗ ਦੇ ਮੱਦੇਨਜ਼ਰ ਹਵਾ ਦੀ ਗੁਣਵੱਤਾ ਸੰਬੰਧੀ ਸਲਾਹ ਜਾਰੀ ਕੀਤੀ ਗਈ ਹੈ। ਅਸਲ ਵਿਚ ਵਾਤਾਵਰਣ ਕੈਨੇਡਾ ਵਲੋਂ ਜੰਗਲੀ ਅੱਗ ਦੇ ਧੂੰਏਂ ਨੂੰ ਦੇਖਦੇ ਹੋਏ ਸੂਬੇ ਕਈ ਉੱਤਰ-ਪੂਰਬੀ ਇਲਾਕਿਆਂ ਲਈ ਇਹ ਅਡਵਿਸਰੀ ਜਾਰੀ ਕੀਤੀ ਗਈ ਹੈ।
ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਇਸ ਖੇਤਰ ਵਿੱਚ ਪ੍ਰਦੂਸ਼ਣ ਦਾ ਪੱਧਰ ਵਧਣ ਦੀ ਸੰਭਾਵਨਾ ਹੈ ਅਤੇ ਇਹ ਅਤੇ ਅਗਲੇ 24 ਤੋਂ 48 ਘੰਟਿਆਂ ਤੱਕ ਜਾਰੀ ਰਹਿ ਸਕਦਾ ਹੈ। ਇਹ ਐਡਵਾਇਜ਼ਰੀ ਬੀ ਸੀ ਸਰਵਿਸ ਦੇ ਬਿਆਨ ਤੋਂ ਬਾਅਦ ਆਈ ਹੈ ਕਿ ਮੌਸਮੀ ਤਾਪਮਾਨ ਜ਼ਿਆਦਾ ਹੋਣ ਕਾਰਨ ਅੱਗ ਦੇ ਹਾਲਾਤ ਅਜੇ ਵੀ ਕਾਇਮ ਹਨ।
ਵਾਇਲਡਫਾਇਰ ਸਰਵਿਸ ਨੇ ਅੱਜ ਆਪਣੀ ਸਥਿਤੀ ਦੀ ਰਿਪੋਰਟ ਵਿਚ ਦੱਸਿਆ ਕਿ ਮੌਜੂਦਾ ਸੋਕੇ ਕਾਰਨ ਬੀ ਸੀ ਦਾ ਜ਼ਿਆਦਾਤਰ ਹਿੱਸਾ ਬੇਮੌਸਮੀ ਖੁਸ਼ਕ ਹੈ, ਜਿਸ ਨਾਲ ਅੱਗ ਲੱਗਣ ਦਾ ਖਤਰਾ ਬਣਿਆ ਹੋਇਆ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕ੍ਰਊਜ਼ ਐਤਵਾਰ ਨੂੰ ਵੈੱਲਸ ਤੋਂ ਲਗਭਗ 30 ਕਿਲੋਮੀਟਰ ਪੂਰਬ ਵਿਚ ਬਲ਼ ਰਹੀ ਜੰਗਲੀ ਅੱਗ ਲਈ ਵਾਪਸ ਆ ਗਿਆ ਸੀ, ਜਿਸ ਨੂੰ ਪਹਿਲਾਂ ਕਾਬੂ ਵਿਚ ਦੱਸਿਆ ਗਿਆ ਸੀ ਪਰ ਹੁਣ ਇਹ 36 ਬੇਕਾਬੂ ਅੱਗਾਂ ਵਿਚੋਂ ਇਕ ਮੰਨੀ ਜਾ ਰਹੀ ਹੈ।
ਇਹ ਅੱਗ ਸੂਬੇ ਵਿਚ ਬਲ਼ ਰਹੀਆਂ ਲਗਭਗ 220 ਸਰਗਰਮ ਅੱਗਾਂ ਵਿਚੋਂ ਇਕ ਹੈ ਅਤੇ ਸਰਵਿਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਵਿਚੋਂ 90 ਪ੍ਰਤੀਸ਼ਤ ਤੋਂ ਵੱਧ ਬਿਜਲੀ ਡਿੱਗਣ ਕਾਰਨ ਲੱਗੀਆਂ ਸਨ।
