15.5C Vancouver 15.5C VancouverJan 6, 2022 1:15 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਮੈਕਸੀਕੋ ਲਈ ਮੌਂਟਰੀਅਲ ਤੋਂ ਉਡਾਣ ਭਰਨ ਵਾਲੀ ਇੱਕ ਫਲਾਈਟ 'ਤੇ ਹੋਈਆਂ ਹਰਕਤਾਂ 'ਤੇ ਨਿਰਾਸ਼ਾ ਜਾਹਿਰ ਕਰਨ ਤੋਂ ਬਾਅਦ ਹੁਣ ਏਅਰ ਟਰਾਂਸੈਟ ਵੱਲੋਂ ਸਖਤ ਫੈਸਲਾ ਲਿਆ ਗਿਆ ਹੈ।
ਪ੍ਰਧਾਨ ਮੰਤਰੀ ਵੱਲੋਂ ਫਲਾਈਟ ਤੋਂ ਉਜਾਗਰ ਹੋਈਆਂ ਤਸਵੀਰਾਂ ਦੀ ਨਿਖੇਧੀ ਕੀਤੇ ਜਾਣ ਮਗਰੋਂ ਹੁਣ ਏਅਰ ਟਰਾਂਸੈਟ ਨੇ ਫਲਾਈਟ ਦੀਆਂ ਵੀਡੀਓ 'ਚ ਤਮਾਸ਼ੇ ਕਰਦੀਆਂ ਵੇਖੀਆਂ ਗਈਆਂ ਸਵਾਰੀਆਂ ਨੂੰ ਉਸੇ ਸੇਵਾ ਜਰੀਏ ਵਾਪਿਸ ਆਉਣ ਦੀ ਇਜਾਜਤ ਨਹੀਂ ਦਿੱਤੀ ਹੈ।
ਪੂਰਾ ਮਾਮਲਾ 30 ਦਿਸੰਬਰ ਦਾ ਹੈ।
ਫਲਾਈਟ ਦੇ ਕੁਝ ਵੀਡੀਓ ਉਜਾਗਰ ਹੋਏ ਹਨ ਜਿਸ 'ਚ ਸਵਾਰੀਆਂ ਨੂੰ ਮਾਸਕ ਪਹਿਨੇ ਬਿਨਾ ਇੱਕ-ਦੂਜੇ ਦੇ ਬੇਹੱਦ ਕਰੀਬ ਵੇਖਿਆ ਜਾ ਸਕਦਾ ਹੈ।
ਕੁਝ ਸਵਾਰੀਆਂ ਨੂੰ ਆਈਲਸ ਜਾਂ ਆਪਣੀਆਂ ਸੀਟਾਂ 'ਤੇ ਗਾਉਂਦੇ ਅਤੇ ਨੱਚਦੇ ਵੇਖਿਆ ਜਾ ਸਕਦਾ ਹੈ।
ਟਰੂਡੋ ਨੇ ਕਿਹਾ ਕਿ ਅਜਿਹਾ ਮਾਮਲਾ ਬੇਹੱਦ ਨਿਰਾਸ਼ ਕਰਨ ਵਾਲਾ ਹੈ।
ਯਾਦ ਰਹੇ ਟਰਾਂਸਪੋਰਟ ਮੰਤਰੀ, ਓਮਰ ਅਲਘਾਬਰਾ ਅਤੇ 3 ਹੋਰ ਕੈਬੀਨੇਟ ਮੈਂਬਰਾਂ ਨੇ ਮੰਗਲਵਾਰ ਨੂੰ ਇੱਕ ਪ੍ਰੈਸ ਰਿਲੀਜ ਜਾਰੀ ਕਰ ਕਿਹਾ ਸੀ ਕਿ ਫਲਾਈਟ ਸੰਬੰਧੀ ਘਟਨਾ ਦੀ ਜਾਂਚ ਹੋਵੇਗੀ ਅਤੇ ਰੈਗੂਲੇਸ਼ਨਸ ਦੀ ਉਲੰਘਣਾ ਦੇ ਮਾਮਲੇ 'ਚ $5,000 ਤਕ ਦਾ ਜੁਰਮਾਨਾ ਵੀ ਲਗਾਇਆ ਜਾ ਸਕਦਾ ਹੈ।
