13.96C Vancouver 13.96C VancouverAug 8, 2024 5:10 PM - The Canadian Press
ਕੈਲਗਰੀ ਵਿਚ ਹਾਲ ਹੀ ਵਿਚ ਹੋਈ ਗੜੇਮਾਰੀ ਕਾਰਨ ਵੈਸਜੈੱਟ ਨੂੰ ਕਈ ਫਲਾਈਟਾਂ ਰੱਦ ਕਰਨੀਆਂ ਪਈਆਂ ਜਿਸ ਕਾਰਨ ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਵਾਈ ਕਿਰਾਏ ਵਿਚ ਵਾਧਾ ਹੋ ਸਕਦਾ ਹੈ।
ਹਵਾਬਾਜ਼ੀ ਮਾਹਰਾਂ ਨੇ ਕਿਹਾ ਕਿ ਗੜੇਮਾਰੀ ਕਾਰਨ ਸੋਮਵਾਰ ਤੋਂ ਬੁੱਧਵਾਰ ਤੱਕ ਵੈਸਜੈੱਟ ਏਅਰਲਾਈਨਜ਼ ਨੂੰ 248 ਫਲਾਈਟਸ ਰੱਦ ਕਰਨੀਆਂ ਪਈਆਂ, ਜਿਸ ਦਾ ਹਰਜਾਨਾ ਟਿਕਟਾਂ ਦੀਆਂ ਕੀਮਤਾਂ ਵਧਾ ਕੇ ਲਿਆ ਜਾ ਸਕਦਾ ਹੈ।
ਯੂਨੀਵਰਸਿਟੀ ਆਫ਼ ਮੈਨੀਟੋਬਾ ਦੇ ਆਵਾਜਾਈ ਸੰਸਥਾ ਦੇ ਮਾਹਿਰ ਨੇ ਦੱਸਿਆ ਕਿ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਏਅਰਲਾਈਨ ਵਲੋਂ ਉਡਾਣਾਂ ਵਿਚ ਭਾਰੀ ਕਟੌਤੀ ਨਾਲ ਹੋਰ ਏਅਰਲਾਈਨਜ਼ ਦ ਮੰਗ ਵਿਚ ਵਾਧਾ ਹੋਣ ਅਤੇ ਗਰਮੀਆਂ ਵਿਚ ਟਰੈਵਲ ਸੀਜ਼ਨ ਦੌਰਾਨ ਟਿਕਟ ਦੀਆਂ ਕੀਮਤਾਂ ਵਿਚ ਵਾਧਾ ਹੋਵੇਗਾ।
ਇਸ ਦੇ ਇਲਾਵਾ ਏਅਰਲਾਈਨਜ਼ ਵਲੋਂ ਇੰਸ਼ੋਰੈਂਸ ਅਤੇ ਰੱਖ-ਰਖਾਅ ਦੀਆਂ ਕੀਮਤਾਂ ਵਿਚ ਵੀ ਵਾਧਾ ਕੀਤਾ ਜਾ ਸਕਦਾ ਹੈ। ਨਿਯਮਾਂ ਮੁਤਾਬਕ ਜਿਨ੍ਹਾਂ ਯਾਤਰੀਆਂ ਦੀਆਂ ਫਲਾਈਟ ਤੂਫਾਨ ਕਾਰਨ ਰੱਦ ਹੋਈਆਂ, ਉਨ੍ਹਾਂ ਨੂੰ ਰੀਫੰਡ ਜਾਂ ਹੋਰ ਓਪਸ਼ਨ ਦਿੱਤਾ ਜਾਵੇਗਾ।
