ਕਰੋਨਾਵਾਇਰਸ ਕਾਰਨ ਕਈ ਏਅਰਲਾਈਨਜ਼ ਵਲੋਂ ਉਡਾਣਾਂ ਰੱਦ

ਕਰੋਨਾਵਾਇਰਸ ਦੇ ਚਲਦਿਆਂ ਬਹੁਤ ਸਾਰੀਆਂ ਏਅਰਲਾਈਨਜ਼ ਵੱਲੋਂ ਉਡਾਣਾਂ ਰੱਦ ਕਰ ਦਿੱਤੀਆਂ ਜਾ ਰਹੀਆਂ ਹਨ। ਏਅਰ ਕੈਨੇਡਾ (Air Canada) ਅਤੇ ਬ੍ਰਿਟਿਸ਼ ਏਅਰਵੇਜ਼ (British Airways) ਨੇ ਚੀਨ ਨੂੰ ਜਾਣ ਵਾਲੀਆਂ ਉਡਾਣਾਂ ਰੱਦ ਕਰਨ ਦਾ ਫ਼ੈਸਲਾ ਕੀਤਾ।

ਫਿੰਨ ਏਅਰ (Finnair) ਕੈਥੀ ਪੈਸਿਫ਼ਿਕ (Cathay Pacific) ਅਤੇ ਸਿੰਗਾਪੁਰ ਦੀ ਜੈੱਟ ਸਟਾਰ ਏਸ਼ੀਆ (Jet Star Asia) ਵੱਲੋਂ ਉਡਾਣਾਂ ਦੀ ਗਿਣਤੀ ਘਟਾ ਦਿੱਤੀ ਗਈ ਹੈ ਬ੍ਰਿਟਿਸ਼ ਏਅਰਵੇਜ਼ ਨੇ ਅੱਜ ਕਿਹਾ ਕਿ ਚੀਨ ਨੂੰ ਜਾਣ ਅਤੇ ਉੱਥੋਂ ਆਉਣ ਵਾਲੀਆਂ ਸਾਰੀਆਂ ਫਲਾਈਟਸ ਰੱਦ ਕਰ ਦਿੱਤੀਆਂ ਗਈਆਂ ਹਨ।

ਏਅਰ ਸਯੋਲ (Air Soeul) ਵੱਲੋਂ ਵੀ ਚੀਨ ਨੂੰ ਜਾਣ ਵਾਲੀਆਂ ਸਾਰੀਆਂ ਫਲਾਈਟਸ ਰੱਦ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।

ਚੀਨ ਵਲੋਂ ਵੁਹਾਨ ਅਤੇ 16 ਹੋਰ ਸ਼ਹਿਰਾਂ ਵਿਚ ਲੋਕਾਂ ਨੂੰ ਸੁਰਖਿਅਤ ਰੱਖਣ ਦੇ ਉਪਰਾਲੇ ਅਧੀਨ ਆਵਾਜਾਈ ਦੇ ਸਾਰੇ ਸਾਧਨ ਬੰਦ ਕਰ ਦਿੱਤੇ ਗਏ ਹੈ।

ਕਰੋਨਾਵਾਇਰਸ ਨਾਲ ਚੀਨ ਵਿੱਚ 6000 ਵਿਅਕਤੀ ਪ੍ਰਭਾਵਤ ਹਨ।

ਹੌਂਗ ਕੌਂਗ ਵਲੋਂ ਵੀ ਮੈਨਲੈਂਡ ਨੂੰ ਜਾਣ ਵਾਲੀਆਂ ਉਡਾਣਾਂ ਦੀ ਗਿਣਤੀ ਕੱਟਕੇ ਅੱਧੀ ਕਰ ਦਿੱਤੀ ਗਈ ਹੈ।