15.3C Vancouver 15.3C VancouverJul 16, 2024 8:03 PM - The Canadian Press
ਬੀ.ਸੀ. ਵਾਈਨਰੀ ਹੁਣ ਸਿੱਧਾ ਐਲਬਰਟਾ ਵਾਸੀਆਂ ਨੂੰ ਸ਼ਰਾਬ ਵੇਚ ਸਕਣਗੀਆਂ। ਅਸਲ ਵਿਚ ਬੀ.ਸੀ. ਅਤੇ ਐਲਬਰਟਾ ਵਿਚ ਟੈਕਸ ਸੰਬੰਧੀ ਮਸਲਿਆਂ ਨੂੰ ਲੈ ਕੇ ਸਮਝੌਤਾ ਹੋ ਗਿਆ ਹੈ ਜਿਸ ਕਾਰਨ ਇਹ ਇਕ-ਦੂਜੇ ਦੇ ਸੂਬੇ ਵਿਚ ਗਾਹਕਾਂ ਨੂੰ ਸਿੱਧਾ ਸ਼ਰਾਬ ਨਹੀਂ ਵੇਚ ਸਕਦੇ ਸਨ।
ਪ੍ਰਾਪਤ ਜਾਣਕਾਰੀ ਮੁਤਾਬਿਕ ਅੰਤਰ-ਸੂਬਾਈ ਵਪਾਰ ਦੀਆਂ ਰੁਕਾਵਟਾਂ ਕਾਰਨ ਕੈਨੇਡਾ ਅਮਰੀਕਾ ਨਾਲ ਆਪਣੇ ਨਾਲੋਂ ਵਧੇਰੇ ਮੁਕਤ ਵਪਾਰ ਕਰਦਾ ਹੈ। ਇਨ੍ਹਾਂ ਰੁਕਾਵਟਾਂ ਵਿਚ ਬੀ.ਸੀ. ਵਾਈਨਰੀਆਂ ’ਤੇ ਪਾਬੰਦੀਆਂ ਹਨ ਜੋ ਦੂਜੇ ਸੂਬਿਆਂ ਵਿਚ ਕੈਨੇਡੀਅਨਾਂ ਨੂੰ ਸਿੱਧੇ ਤੌਰ ’ਤੇ ਆਨਲਾਈਨ ਸ਼ਰਾਬ ਵੇਚਦੀਆਂ ਹਨ ਪਰ ਹੁਣ ਬੀ.ਸੀ.ਵਾਈਨਰੀਆਂ ਘੱਟੋ ਘੱਟ ਅਲਬਰਟਾ ਵਾਸੀਆਂ ਨੂੰ ਸਿੱਧਾ ਸ਼ਰਾਬ ਵੇਚ ਸਕਣਗੀਆਂ।
ਐਲਬਰਟਾ ਅਤੇ ਬੀ.ਸੀ. ਨੇ ਇੱਕ ਸਹਿਮਤੀ ਪੱਤਰ ’ਤੇ ਹਸਤਾਖਰ ਕੀਤੇ ਹਨ ਜਿਸ ਨਾਲ ਐਲਬਰਟਾ ਵਾਸੀਆਂ ਲਈ ਬੀ.ਸੀ. ਤੋਂ ਅਤੇ ਬੀ.ਸੀ. ਵਾਸੀਆਂ ਲਈ ਐਲਬਰਟਾ ਤੋਂ ਸ਼ਰਾਬ ਖਰੀਦਣਾ ਆਸਾਨ ਹੋ ਜਾਵੇਗਾ ।
ਇਸ ਦੇ ਨਾਲ ਹੀ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਬੀ.ਸੀ ਵਾਈਨਰੀ ਐਲਬਰਟਾ ਵਿੱਚ ਸ਼ਰਾਬ ਦੀ ਵਿਕਰੀ ਵਿਚੋਂ ਫੀਸ ਦੇ ਆਪਣੇ ਵਾਜਬ ਹਿੱਸੇ ਦਾ ਭੁਗਤਾਨ ਕਰਨ। ਜ਼ਿਕਰਯੋਗ ਹੈ ਕਿ ਦੋਵਾਂ ਸੂਬਿਆਂ ਵਿਚ ਟੈਕਸ ਦੇ ਮੁੱਦਿਆਂ ’ਤੇ ਝਗੜੇ ਤੋਂ ਬਾਅਦ ਐਲਬਰਟਾ ਨੂੰ ਸ਼ਰਾਬ ਦੀਆਂ ਸਾਰੀਆਂ ਸਿੱਧੀਆਂ ਸ਼ਿਪਮੈਂਟ ਰੋਕ ਦਿੱਤੀਆਂ ਗਈਆਂ ਸਨ।
