ਐਲਬਰਟਾ ਦੀ ਇਕ ਕੰਪਨੀ ਨੂੰ ਅਣਗਹਿਲੀ ਵਰਤਣ ਕਾਰਨ ਲੱਗਾ ਭਾਰੀ ਜੁਰਮਾਨਾ

ਐਲਬਰਟਾ ਦੀ ਇਕ ਤੇਲ ਅਤੇ ਗੈਸ ਕੰਪਨੀ ਨੂੰ 2011 ਵਿਚ ਅਣਗਹਿਲੀ ਵਰਤਣ ਕਾਰਨ ਭਾਰੀ ਜੁਰਮਾਨਾ ਲੱਗਾ ਹੈ। ਓ'ਰੀਲੀ ਆਇਲਫੀਲਡ ਸਰਵਿਸਿਜ਼ ਲਿਮਿਟੇਡ ਕੰਪਨੀ ਨੂੰ ਕਾਮਿਆਂ ਦੀ ਸੁਰੱਖਿਆ ਵਿਚ ਅਣਗਹਿਲੀ ਵਰਤਣ ਦੇ ਦੋਸ਼ ਵਿਚ $90,000 ਦਾ ਜੁਰਮਾਨਾ ਲਾਇਆ ਗਿਆ ਹੈ। ਜੁਲਾਈ 2011 ਵਿਚ ਇਕ ਵਰਕਰ ਉੱਤਰ ਪੱਛਮੀ ਅਲਬਰਟਾ ਦੇ ਵੈਲੀਵਿਊ ਵਿਚ ਕੰਮ ਕਰ ਰਿਹਾ ਸੀ ਅਤੇ ਇੱਥੇ ਅੱਗ ਲੱਗਣ ਕਾਰਨ ਉਹ ਝੁਲਸ ਗਿਆ।

ਐਲਬਰਟਾ ਸਰਕਾਰ ਦਾ ਕਹਿਣਾ ਹੈ ਕਿ ਪਾਈਪ ਵਿਚੋਂ ਗੈਸ ਓਵਰਫਲੋਅ ਹੋ ਰਹੀ ਸੀ ਅਤੇ ਇਸ ਵਿਚੋਂ ਬਾਹਰ ਨਿਕਲ ਰਹੀ ਸੀ। ਕ੍ਰਾਊਨ ਵਲੋਂ ਇਸ ਕੰਪਨੀ ਖਿਲਾਫ ਲਾਏ ਕਈ ਚਾਰਜਿਜ਼ ਵਾਪਸ ਕਰ ਲਏ ਗਏ ਹਨ। ਓ'ਰੀਲੀ ਆਇਲਫੀਲਡ ਸਰਵਿਸਿਜ਼ ਅਤੇ ਕ੍ਰਾਊਨ ਕੋਲ ਅਪੀਲ ਕਰਨ ਲਈ 30 ਦਿਨਾਂ ਦਾ ਸਮਾਂ ਹੈ।