15.35C Vancouver 15.35C VancouverJul 19, 2022 1:06 AM - The Canadian Press
ਐਲਬਰਟਾ ਦੇ ਵਿੱਚ ਸਾਈਪਰਸ ਕਾਊਂਟੀ ਦੇ ਇਲਾਕੇ 'ਚ ਭਾਰੀ ਤੂਫਾਨ ਨੇ ਦਸਤਕ ਦਿੱਤੀ ਹੈ।
ਕੁਝ ਮੀਡੀਆ ਰਿਪੋਰਟਸ ਅਨੁਸਾਰ ਇਸ ਨੂੰ ਟੋਰਨੇਡੋ ਯਾਨੀ ਕਿ ਬਵੰਡਰ ਦੀ ਦਸਤਕ ਦੱਸਿਆ ਗਿਆ ਹੈ।
ਇੱਕ ਐਮਰਜੈਂਸੀ ਐਲਰਟ ਵੀ ਜਾਰੀ ਕੀਤਾ ਗਿਆ ਸੀ ਅਤੇ ਉਸ 'ਚ ਵੀ ਇਲਾਕੇ 'ਚ ਟੋਰਨੇਡੋ ਦੇ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਸਾਈਪਰਸ ਕਾਊਂਟੀ ਟਿਵਤਰ ਖਾਤੇ ਅਨੁਸਾਰ ਇਸ ਭਾਰੀ ਤੂਫਾਨ ਨੇ ਦੁਪਹਿਰ ਕਰੀਬ 2 ਵਜੇ ਹਾਈਵੇਅ 523 ਅਤੇ ਟ੍ਰਾਂਸ ਕੈਨੇਡਾ ਹਾਈਵੇਅ ਕੋਲ ਦਸਤਕ ਦਿੱਤੀ।
ਇਸ ਦੌਰਾਨ ਕਈ ਘਰ ਅਤੇ ਵਾਹਨ ਨੁਕਸਾਨੇ ਜਾਣ ਦੀਆਂ ਰਿਪੋਰਟਸ ਉਜਾਗਰ ਹੋਈਆਂ ਹਨ।
ਸਿਟੀ ਆਫ ਮੈਡੀਸਿਨ ਹੈਟ ਦਾ ਕਹਿਣਾ ਸੀ ਕਿ ਅੱਜ ਦੁਪਹਿਰ ਦੇ ਸਮੇਂ ਤਕ 7,000 ਤੋਂ ਵਧੇਰੇ ਨਿਵਾਸੀਆਂ ਦੀ ਬੱਤੀ ਗੁਲ ਹੋ ਗਈ ਸੀ।
ਹਾਲਾਂਕਿ ਦੁਪਹਿਰ ਕਰੀਬ 3.30 ਵਜੇ ਸਿਟੀ ਵੱਲੋਂ ਦੱਸਿਆ ਗਿਆ ਸੀ ਕਿ ਪ੍ਰਭਾਵਿਤ ਕਸਟਮਰਸ ਵਿੱਚੋਂ ਕਰੀਬ 1,700 ਕੋਲ ਬਿਜਲੀ ਪਹੁੰਚ ਚੁੱਕੀ ਸੀ।
ਯਾਦ ਰਹੇ ਸਾਈਪਰਸ ਕਾਊਂਟੀ ਐਲਬਰਟਾ ਦੇ ਦੱਖਣਪੂਰਬੀ ਇਲਾਕੇ 'ਚ ਸਥਿਤ ਹੈ ਅਤੇ ਇਸ 'ਚ ਮੈਡੀਸਿਨ ਹੈਟ ਅਤੇ ਰੈਡਕਲਿਫ ਦੇ ਇਲਾਕੇ ਸ਼ਾਮਿਲ ਹਨ।
