14.25C Vancouver 14.25C VancouverDec 12, 2025 6:28 PM - Connect Newsroom - Ramandeep Kaur with files from The Canadian Press
ਐਲਬਰਟਾ ਸਰਕਾਰ ਦਾ ਫੌਲ ਸੀਜ਼ਨ ਦਾ ਵਿਧਾਨ ਸਭਾ ਸੈਸ਼ਨ ਬੀਤੇ ਦਿਨ ਸਮਾਪਤ ਹੋ ਗਿਆ, ਜਿਸ ਦੌਰਾਨ 14 ਬਿੱਲ ਪਾਸ ਕੀਤੇ ਗਏ। ਇਹ ਸੈਸ਼ਨ ਨਾਟਵਿਦਸਟੈਂਡਿੰਗ ਕਲਾਜ਼ ਦੀ ਵਿਵਾਦਿਤ ਵਰਤੋਂ ਅਤੇ ਵਿਧਾਇਕਾਂ ਲਈ ਬਹਿਸ ਦੇ ਸਮੇਂ 'ਤੇ ਲਗਾਈਆਂ ਗਈਆਂ ਸੀਮਾਵਾਂ ਕਾਰਨ ਚਰਚਾ ਵਿੱਚ ਰਿਹਾ। ਸੂਬੇ ਭਰ ਦੇ ਅਧਿਆਪਕਾਂ ਦੀ ਹੜਤਾਲ ਖਤਮ ਕਰਨ ਲਈ ਸਰਕਾਰ ਵੱਲੋਂ 'ਨਾਟਵਿਦਸਟੈਂਡਿੰਗ ਕਲਾਜ਼' ਦੀ ਵਰਤੋਂ ਕੀਤੀ ਗਈ, ਜਿਸ ਨੂੰ ਆਲੋਚਕਾਂ ਨੇ ਲੋਕਤੰਤਰੀ ਪ੍ਰਕਿਰਿਆਵਾਂ ਨੂੰ ਕਮਜ਼ੋਰ ਕਰਨ ਦਾ ਕਦਮ ਦੱਸਿਆ।
ਇਸ ਦੇ ਇਲਾਵਾ ਸਰਕਾਰ ਨੇ ਦੋਹਰਾ-ਅਭਿਆਸ ਮਾਡਲ ਪੇਸ਼ ਕੀਤਾ ਹੈ, ਜਿਸ ਤਹਿਤ ਡਾਕਟਰਾਂ ਨੂੰ ਪਬਲਿਕ ਹਸਪਤਾਲਾਂ ਅਤੇ ਪ੍ਰਾਈਵੇਟ ਕਲੀਨਿਕਾਂ ਦੋਵਾਂ ਵਿੱਚ ਕੰਮ ਕਰਨ ਦੀ ਇਜਾਜ਼ਤ ਦੇਣ ਦੀ ਇਜਾਜ਼ਤ ਮਿਲੀ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਵਧੇਰੇ ਅਪਰੇਸ਼ਨ ਹੋ ਸਕਣਗੇ ਅਤੇ ਮਰੀਜ਼ਾਂ ਦੀ ਉਡੀਕ ਸਮਾਂ ਘਟੇਗਾ।
ਵਿਰੋਧੀ ਧਿਰ ਐਨ.ਡੀ.ਪੀ. ਆਗੂ ਨਾਹੀਦ ਨੈਨਸ਼ੀ ਨੇ ਵੀਰਵਾਰ ਨੂੰ ਕਿਹਾ ਕਿ ਫਾਲ ਦੇ ਵਿਧਾਨ ਸਭਾ ਸੈਸ਼ਨ ਨੇ ਇਕ ਅਜਿਹੀ ਸਰਕਾਰ ਨੂੰ ਦਰਸਾਇਆ ਹੈ ਜੋ ਐਲਬਰਟਾ ਵਾਸੀਆਂ ਦੇ ਮਨੁੱਖੀ ਅਧਿਕਾਰਾਂ ਨੂੰ ਖੋਹਣ ਲਈ ਉਤਾਵਲੀ ਹੈ। ਉਨ੍ਹਾਂ ਇਸ ਨੂੰ ਕੱਟੜਪੰਥੀ ਸਰਕਾਰ ਕਿਹਾ ਹੈ।
