19.35C Vancouver 19.35C VancouverJun 2, 2022 6:20 PM - THE CANADIAN PRESS
ਐਲਬਰਟਾ ਸਰਕਾਰ ਨੇ ਮੈਡੀਕਲ ਟੈਸਟਿੰਗ ਲਈ ਬਲੱਡ ਅਤੇ ਹੋਰ ਸੈਂਪਲ ਲੈਣ ਵਾਲੀ ਪ੍ਰਾਈਵੇਟ ਲੈਬੋਰੇਟਰੀ ਸਰਵਿਸ ਦਾ ਕਾਂਟਰੈਕਟ ਵਧਾ ਦਿੱਤਾ ਹੈ।
ਹੈਲਥ ਮਿਨਿਸਟਰ ਜੇਸਨ ਕੋਪਿੰਗ ਨੇ ਕਿਹਾ ਕਿ ਡਾਇਨਾ-ਲਾਈਫ ਮੈਡੀਕਲ ਲੈਬਸ ਆਪਣੀਆਂ ਸਹੂਲਤਾਂ ਨੂੰ ਅਪਗ੍ਰੇਡ ਕਰੇਗੀ ਅਤੇ ਹੋਰ ਸਰਵਿਸ ਸੈਂਟਰਸ ਖੋਲ੍ਹੇਗੀ, ਜੋ ਐਡਮਿੰਟਨ ਸਣੇ ਨਾਰਥਨ-ਕਮਿਊਨਿਟੀਜ਼ ਵਿਚ ਪਹਿਲਾਂ ਤੋਂ ਹੀ ਓਪਰੇਟ ਕਰ ਰਹੀ ਹੈ।
ਕੋਪਿੰਗ ਨੇ ਕਿਹਾ ਕਿ ਨਵੀਆਂ ਲੈਬਸ ਕੈਲਗਰੀ, ਐਡਮਿੰਟਨ, ਰੈੱਡ ਡੀਅਰ, ਓਕੋਟੋਕਸ, ਸਟ੍ਰੈਥੋਮੋਰ ਅਤੇ ਕੋਕ੍ਰੇਨ ਵਿਚ ਖੁੱਲ੍ਹਣਗੀਆਂ। ਉਨ੍ਹਾਂ ਕਿਹਾ ਕਿ ਸੂਬਾ ਲੈਬ ਸਰਵਿਸ ਨਾਲ ਆਪਣਾ ਕਾਂਟਰੈਕਟ ਵਧਾ ਰਿਹਾ ਹੈ ਕਿਉਂਕਿ ਇਹ ਸਸਤੀ ਹੈ ਅਤੇ ਰੁਜ਼ਗਾਰ ਦਾ ਕੋਈ ਨੁਕਸਾਨ ਨਹੀਂ ਹੋਵੇਗਾ।
ਉੱਥੇ ਹੀ, ਐਲਬਰਟਾ ਹੈਲਥ ਸਰਵਿਸ ਛੋਟੇ ਰੂਰਲ ਤੇ ਰਿਮੋਟ ਕਮਿਊਨਟਿਜ਼ ਵਿਚ ਲੈਬ ਸੇਵਾਵਾਂ ਦੇਣੀਆਂ ਜਾਰੀ ਰੱਖੇਗੀ। ਸਰਕਾਰ ਮੁਤਾਬਕ, ਸੂਬੇ ਵਿਚ ਹਰ ਸਾਲ ਤਕਰੀਬਨ 80 ਮਿਲੀਅਨ ਲੈਬ ਟੈਸਟ ਹੁੰਦੇ ਹਨ।
