17.24C Vancouver 17.24C VancouverNov 2, 2023 6:32 PM - The Canadian Press
ਅਲਬਰਟਾ ਸਰਕਾਰ ਵਲੋਂ ਇਸ ਸਾਲ ਹੈਲਥ ਕੇਅਰ ਲਈ $41.9 billion ਖਰਚੇ ਜਾਣ ਦੀ ਉਮੀਦ ਹੈ।
ਇਹ ਜਾਣਕਾਰੀ ਕੈਨੇਡੀਅਨ ਇੰਸਟੀਚਿਊਟ ਫਾਰ ਹੈਲਥ ਇਨਫਰਮੇਸ਼ਨ ਨੇ ਆਪਣੀ ਲੇਟਸ ਟਰਾਸ਼ਟਰੀ ਸਿਹਤ ਖਰਚੇ ਦੀ ਰਿਪੋਰਟ ਵਿਚ ਦਿੱਤੀ ਹੈ।
ਸੂਬੇ ਨੇ 2022 ਵਿੱਚ ਸਿਹਤ ਸੰਭਾਲ ਲਈ $40 billion ਖਰਚ ਕੀਤੇ ਸਨ ਅਤੇ ਇਸ ਵਾਰ ਇਸ ਵਿੱਚ 4.6 ਫੀਸਦੀ ਦਾ ਵਾਧਾ ਹੋ ਰਿਹਾ ਹੈ ਯਾਨੀ ਸਰਕਾਰ ਪ੍ਰਤੀ ਵਿਅਕਤੀ ਲਗਭਗ $9,000 ਖ਼ਰਚ ਕਰ ਰਹੀ ਹੈ।
ਰਿਪੋਰਟ ਮੁਤਾਬਕ ਅਲਬਰਟਾ ਹੈਲਥ ਕੇਅਰ ਖਰਚ ਵਿੱਚ ਸਿਰਫ ਓਨਟੇਰਿਓ, ਕਿਊਬੈਕ ਅਤੇ ਬ੍ਰਿਟਿਸ਼ ਕੋਲੰਬੀਆ ਤੋਂ ਪਿੱਛੇ ਹੈ।
ਅਲਬਰਟਾ ਦੇ ਗੁਆਂਢੀ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਵਲੋਂ ਇਸ ਸਾਲ ਹੈਲਥ ਕੇਅਰ ਲਈ $49.3 billion ਖ਼ਰਚ ਕੀਤੇ ਜਾਣ ਦਾ ਅਨੁਮਾਨ ਹੈ।
ਰਿਪੋਰਟ ਮੁਤਾਬਕ ਨੈਸ਼ਨਲ ਲੈਵਲ 'ਤੇ ਕੈਨੇਡਾ ਇਸ ਸਾਲ ਹੈਲਥ ਕੇਅਰ ਲਈ $344 billion ਖਰਚ ਕਰਨ ਦੀ ਰਾਹ 'ਤੇ ਹੈ ਜਿਸ ਤੋਂ ਭਾਵ ਪ੍ਰਤੀ ਕੈਨੇਡੀਅਨ $8,740 ਖਰਚੇ ਜਾਣੇ ਹਨ ਜੋ ਪਿਛਲੇ ਸਾਲ ਨਾਲੋਂ 2.8 ਫੀਸਦੀ ਵਧੇਰੇ ਹੈ।
ਨੈਸ਼ਨਲ ਲੈਵਲ 'ਤੇ ਕੁੱਲ ਖਰਚ ਵਿੱਚ ਸੂਬਿਆਂ ਦਾ ਯੋਗਦਾਨ ਲਗਭਗ $225 billion ਦਾ ਹੈ, ਜਿਨ੍ਹਾਂ ਦੀ ਵਰਤੋਂ ਹਸਪਤਾਲਾਂ ਵਿੱਚ ਸਟਾਫ ਦੀ ਕਮੀ ਨਾਲ ਨਜਿੱਠਣ ਅਤੇ ਹੋਰ ਸਿਹਤ ਖਰਚ ਵਿੱਚ ਵਰਤੇ ਜਾਣ ਦੀ ਉਮੀਦ ਹੈ।
