21.82C Vancouver 21.82C VancouverJan 19, 2021 2:15 AM -
ਐਲਬਰਟਾ ਦੇ ਪ੍ਰੀਮਿਅਰ ਜੇਸਨ ਕੈਨੀ ਦਾ ਕਹਿਣਾ ਹੈ ਕਿ ਸੂਬੇ ਵੱਲੋਂ ਕੋਵਿਡ-19 ਵੈਕਸੀਨੇਸ਼ਨ ਪ੍ਰਦਾਨ ਕਰਨ ਦੀ ਪ੍ਰੀਕਿਰਿਆ 'ਤੇ ਫਿਲਹਾਲ ਰੋਕ ਲਗਾਈ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਵੈਕਸੀਨ ਦੀਆਂ ਆ ਰਹੀਆਂ ਸ਼ਿਪਮੈਂਟਸ ਦੀ ਰਫਤਾਰ ਸੂਬੇ ਵੱਲੋਂ ਵੈਕਸੀਨ ਪ੍ਰਦਾਨ ਕੀਤੇ ਜਾਣ ਦੀ ਰਫਤਾਰ ਨਾਲ ਮੇਲ ਨਹੀਂ ਖਾਂਦੀ।
ਕੈਨੀ ਨੇ ਕਿਹਾ ਕਿ ਉਹ ਫਾਰਮਾਸੁਟਿਕਲ ਕੰਪਨੀ ਫਾਈਜ਼ਰ ਤੋਂ ਬੇਹੱਦ ਨਿਰਾਸ਼ ਹਨ।
ਕੈਨੀ ਨੇ ਕਿਹਾ ਕਿ ਕੰਪਨੀ ਦੇ ਕੈਨੇਡਾ ਨੂੰ ਅਗਲੇ 4 ਹਫ਼ਤੇ ਲਈ ਘੱਟ ਗਿਣਤੀ 'ਚ ਵੈਕਸੀਨ ਭੇਜਣ ਦੇ ਫੈਸਲੇ ਨਾਲ ਵੈਕਸੀਨੇਸ਼ਨ ਪ੍ਰੀਕਿਰਿਆ 'ਚ ਅੜਿੱਕਾ ਪਿਆ ਹੈ।
ਪਾਈਪਲਾਈਨ 'ਤੇ ਰੋਕ ਤੋਂ ਪਹਿਲਾਂ ਕੇਸ ਪੇਸ਼ ਕਰਨ ਦੀ ਕੀਤੀ ਮੰਗ
ਐਲਬਰਟਾ ਦੇ ਪ੍ਰੀਮਿਅਰ ਜੇਸਨ ਕੈਨੀ ਨੇ ਅਮਰੀਕੀ ਪ੍ਰੈਜ਼ੀਡੈਂਟ ਇਲੈਕਟ ਜੋ ਬਾਈਡਨ ਤੋਂ ਮੰਗ ਕੀਤੀ ਹੈ ਕਿ ਕਨੇਡੀਅਨ ਸਰਕਾਰ ਨੂੰ ਇੱਕ ਮੌਕਾ ਦਿੱਤਾ ਜਾਵੇ ਕਿ ਕੀਸਟੋਨ ਐਕਸ.ਐਲ. ਆਇਲ ਸੈਂਡਸ ਪਾਈਪਲਾਈਨ ਨੂੰ ਬਣਾਉਣ ਲਈ ਆਪਣੇ ਕੇਸ ਵਿਖਾਇਆ ਜਾ ਸਕੇ।
ਕੈਨੀ ਨੇ ਕਿਹਾ ਕਿ ਜੇਕਰ ਇਸ ਪ੍ਰੋਜੈਕਟ ਨੂੰ ਬੰਦ ਕਰਨ ਦੇ ਬਾਈਡਨ ਦੇ ਪਲੈਨ ਦੀਆਂ ਰਿਪੋਰਟਸ ਸਹੀ ਹੋਈਆਂ ਤਾਂ ਉਹ ਨੁਕਸਾਨ ਦੀ ਭਰਪਾਈ ਦੀ ਮੰਗ ਕਰਨਗੇ।
ਐਲਬਰਟਾ 'ਚ 474 ਮਾਮਲੇ ਹੋਏ ਰਿਪੋਰਟ
ਐਲਬਰਟਾ ਦੇ ਵਿੱਚ ਕੋਵਿਡ-19 ਦੇ 474 ਹੋਰ ਮਾਮਲੇ ਉਜਾਗਰ ਹੋਣ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਐਲਬਰਟਾ 'ਚ 11 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 1,447 ਹੋ ਚੁੱਕੀ ਹੈ।
ਸੂਬੇ 'ਚ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ 739 ਦੱਸੀ ਗਈ ਹੈ ਜਿਸ 'ਚ 120 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਸੂਬੇ ਦੀ ਚੀਫ਼ ਮੈਡਿਕਲ ਅਫ਼ਸਰ ਡਾ. ਡੀਨਾ ਹਿੰਸ਼ਾ ਨੇ ਦੱਸਿਆ ਕਿ ਵੱਧ ਤੋਂ ਵੱਧ ਐਲਬਰਟਾ ਵਾਸੀਆਂ ਨੂੰ ਵੈਕਸੀਨ ਪ੍ਰਦਾਨ ਦੀ ਕੋਸ਼ਿਸ਼ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਫਿਲਹਾਲ ਇਸ ਪ੍ਰੀਕਿਰਿਆ 'ਚ ਵਿਘਨ ਪੈ ਗਿਆ ਹੈ।
ਡਾ. ਹਿਨਸ਼ਾ ਨੇ ਕਿਹਾ ਜਿਵੇਂ ਹੀ ਵਧੇਰੇ ਵੈਕਸੀਨ ਸ਼ਿਪਮੈਂਟ ਪਹੁੰਚਦੀਆਂ ਹਨ, ਇਹ ਪ੍ਰੀਕਿਰਿਆ ਅੱਗੇ ਵਧਾਈ ਜਾਵੇਗੀ।
