ਅਲਬਰਟਾ ਵਿਧਾਨਸਭਾ ਦਾ ਬਸੰਤ ਰੁੱਤ ਸੈਸ਼ਨ ਅੱਜ ਤੋਂ ਹੋਣ ਜਾ ਰਿਹਾ ਸ਼ੁਰੂ

ਅਲਬਰਟਾ ਵਿਧਾਨਸਭਾ ਦਾ ਬਸੰਤ ਰੁੱਤ ਸੈਸ਼ਨ ਅੱਜ ਸ਼ੁਰੂ ਹੋਣ ਜਾ ਰਿਹਾ ਹੈ, ਜਿਸ ਵਿਚ ਸਿਹਤ ਸੰਭਾਲ ਨੂੰ ਲੈ ਕੇ ਫੋਕਸ ਹੋਣ ਦੀ ਆਸ ਹੈ। ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਅਲਬਰਟਾ ਹੈਲਥ ਸਰਵਿਸਿਜ਼ ਨੂੰ ਖਤਮ ਕਰਨ ਦੀ ਯੋਜਨਾ ਬਣਾ ਰਹੀ ਹੈ ਅਤੇ ਸੰਕੇਤ ਦਿੱਤਾ ਹੈ ਕਿ ਇਹ ਪ੍ਰਕਿਰਿਆ ਸ਼ੁਰੂ ਕਰਨ ਲਈ ਕਾਨੂੰਨ ਆਉਣ ਵਾਲਾ ਹੈ।

ਸਰਕਾਰ ਅਲਬਰਟਾ ਹੈਲਥ ਸਰਵਿਸਿਜ਼ ਦੀ ਥਾਂ 4 ਏਜੰਸੀਆਂ ਲਿਆ ਸਕਦੀ ਹੈ। ਵੀਰਵਾਰ ਨੂੰ ਸੂਬਾ 2024 ਦਾ ਬਜਟ ਜਾਰੀ ਕਰਨ ਜਾ ਰਿਹਾ ਹੈ। ਸਮਿਥ ਦਾ ਕਹਿਣਾ ਹੈ ਕਿ ਤੇਲ ਦੀਆਂ ਕੀਮਤਾਂ ਨੂੰ ਘਟਾਉਣ ਨਾਲ ਸੂਬੇ ਦੀ ਫੰਡਿੰਗ ਵੱਧਦੀ ਜਨਸੰਖਿਆ ਨਾਲ ਤਾਲਮੇਲ ਨਹੀਂ ਖਾਵੇਗੀ।

ਸੂਬੇ ਦੇ ਬਜਟ ਵਿਚ ਬੱਚਿਆਂ ਦੇ ਹਸਪਤਾਲ ਲਈ 3 ਸਾਲਾਂ ਲਈ $20 ਮਿਲੀਅਨ ਦਾ ਫੰਡ ਜਾਰੀ ਹੋ ਸਕਦਾ ਹੈ। ਬੀਤੇ ਦਿਨ ਸਿਹਤ ਮੰਤਰੀ ਐਡਰੀਆਨਾ ਲਾਗਰੇਂਜ ਨੇ ਕਿਹਾ ਕਿ ਸਟੌਲਰੀ ਚਿਲਡਰਨ ਹਸਪਤਾਲ ਨੂੰ ਖੁੱਲ੍ਹਾ ਕਰਨ ਦੀ ਜ਼ਰੂਰਤ ਹੈ ਕਿਉਂਕਿ ਇੱਥੇ ਹਰ ਸਾਲ 300,000 ਮਰੀਜ਼ ਆਉਂਦੇ ਹਨ। ਇਹ ਕੈਨੇਡਾ ਵਿਚ ਸਭ ਤੋਂ ਵੱਧ ਮਰੀਜ਼ਾਂ ਨੂੰ ਦੇਖਣ ਵਾਲੇ ਹਸਪਤਾਲਾਂ ਵਿਚੋਂ ਇਕ ਹੈ।