18.27C Vancouver 18.27C VancouverDec 8, 2023 5:01 PM - The Canadian Press
ਅਲਬਰਟਾ ਦੀ ਵਿਧਾਨ ਸਭਾ ਵਿੱਚ ਕੈਨੇਡਾ ਪੈਨਸ਼ਨ ਪਲੈਨ ਨੂੰ ਛੱਡਣ ਲਈ ਰੈਫਰੰਡਮ ਕਰਵਾਉਣ ਲਈ ਬਿੱਲ ਪਾਸ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਫਾਲ ਦਾ ਵਿਧਾਨ ਸਭਾ ਸੈਸ਼ਨ ਵੀ ਖਤਮ ਹੋ ਗਿਆ ਹੈ। ਹਾਊਸ ਵਿੱਚ ਇਸ ਵਾਰ 9 ਬਿੱਲ ਪਾਸ ਹੋਏ ਹਨ।
ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਨੇ ਬਿੱਲ ਪਾਸ ਕਰਨ ਨੂੰ ਲੈ ਕੇ ਬਹਿਸ ਦਾ ਟਾਈਮ ਸੀਮਿਤ ਕਰ ਦਿੱਤਾ ਸੀ। ਹਾਊਸ ਲੀਡਰ ਜੋਸਫ ਸ਼ੋਅ ਨੇ ਦੱਸਿਆ ਕਿ ਟਾਈਮ ਇਸ ਕਰਕੇ ਲਿਮਿਟ ਕੀਤਾ ਗਿਆ ਸੀ ਕਿਉਂਕਿ ਐੱਨ ਡੀ ਪੀ ਨੇ ਸੋਸ਼ਲ ਮੀਡੀਆ 'ਤੇ ਕਿਹਾ ਸੀ ਕਿ ਉਹ ਬਿੱਲ ਨੂੰ ਕਈ ਹਫਤਿਆਂ ਤੱਕ ਲਟਕਾਉਣ ਲਈ ਲੰਬੀਆਂ ਸਪੀਚ ਦੇਣਗੇ।
ਐੱਨ ਡੀ ਪੀ ਦੀ ਹਾਊਸ ਲੀਡਰ ਕ੍ਰਿਸਟੀਨਾ ਗ੍ਰੇ ਨੇ ਦੋਸ਼ ਲਾਇਆ ਕਿ ਸ਼ੋਅ ਨੇ ਉਨ੍ਹਾਂ ਦੀ ਪਾਰਟੀ ਦੀ ਐਡਮਿੰਟਨ-ਵ੍ਹਾਈਟਮੱਡ ਤੋਂ ਐੱਮ. ਐੱਲ. ਏ. ਰਾਖੀ ਪੰਚੋਲੀ ਨੂੰ ਧਮਕੀਆਂ ਦਿੱਤੀਆਂ ਹਨ। ਹਾਊਸ ਸਪੀਕਰ ਨੇ ਕਿਹਾ ਕਿ ਉਹ ਇਸ ਮਾਮਲੇ ਦੀ ਜਾਂਚ ਕਰਨ ਲਈ ਸਮਾਂ ਚਾਹੁੰਦੇ ਹਨ ਅਤੇ ਅਗਲੇ ਸਾਲ ਦੀ ਬੈਠਕ ਵਿੱਚ ਇਸ ਬਾਰੇ ਗੱਲ ਕਰਨਗੇ।
ਗ੍ਰੇ ਨੇ ਕਿਹਾ ਕਿ ਸਰਕਾਰ ਰੈਫਰੰਡਮ ਦੇ ਬਿੱਲ 'ਤੇ ਵਧੇਰੇ ਚਰਚਾ ਨਹੀਂ ਕਰਨਾ ਚਾਹੁੰਦੀ ਸੀ, ਇਸੇ ਲਈ ਉਨ੍ਹਾਂ ਨੇ ਟਾਈਮ ਲਿਮਿਟ ਲਗਾਈ।
