19.51C Vancouver 19.51C VancouverJan 17, 2022 8:15 PM - The Canadian Press
ਐਬਟਸਫੋਰਡ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਐਲਬਰਟਾ ਦੇ ਇੱਕ ਯੁਵਕ ਨੂੰ ਫਰੇਜ਼ਰ ਵੈਲੀ ਕਮਿਊਨਿਟੀ 'ਚ ਇੱਕ ਸੈਮੀ-ਟਰੱਕ ਚੋਰੀ ਕਰਨ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਕਾਂਸਟੇਬਲ ਪੌਲ ਵਾਕਰ ਨੇ ਕਿਹਾ ਕਿ ਚਿਲਿਵੈਕ ਆਰ.ਸੀ.ਐਮ.ਪੀ. ਦੇ ਮੈਂਬਰਾਂ ਨੂੰ ਵਾਹਨ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਇਸੇ ਦੌਰਾਨ ਚੋਰੀ ਕੀਤੇ ਵਾਹਨ ਦੀ ਇੱਕ ਹੋਰ ਵਾਹਨ ਨਾਲ ਟੱਕਰ ਹੋ ਗਈ।
ਵਾਕਰ ਨੇ ਕਿਹਾ ਕਿ ਪੁਲਿਸ ਨੇ ਟਰੱਕ ਦਾ ਪਿੱਛਾ ਇਸੇ ਕਾਰਨ ਨਹੀਂ ਕੀਤਾ ਕਿ ਵਾਹਨ ਚਾਲਕ ਲੋਕਾਂ ਲਈ ਖਤਰਾ ਬਣ ਸਕਦਾ ਸੀ।
ਪਰ ਕੁਝ ਹੀ ਸਮੇਂ 'ਚ ਇਸ ਟਰੱਕ ਦੀ ਇੱਕ ਕੰਕਰੀਟ ਬੈਰੀਅਰ ਨਾਲ ਟੱਕਰ ਹੋ ਗਈ ਅਤੇ ਆਦਮੀ ਮੌਕੇ ਤੋਂ ਦੌੜ ਨਿਕਲਿਆ।
ਯੁਵਕ ਨੇ ਇਸੇ ਦੌਰਾਨ ਇੱਕ ਹੋਰ ਵਾਹਨ ਚੋਰੀ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਪਰ ਲੋਕਾਂ ਨੇ ਉਸ ਨੂੰ ਚੋਰੀ ਕਰਨ ਤੋਂ ਰੋਕ ਲਿਆ।
ਵਾਕਰ ਨੇ ਦੱਸਿਆ ਕਿ ਮਾਮਲੇ 'ਚ 28 ਸਾਲਾ ਰੋਰੀ ਸੈਰਨਾ 'ਤੇ ਮੋਟਰ ਵਾਹਨ ਦੇ ਖਤਰਨਾਕ ਆਪਰੇਸ਼ਨ, ਹਮਲੇ ਅਤੇ ਡਿਸਕੁਆਲੀਫਿਕੇਸ਼ਨ ਦੇ ਬਾਵਜੂਦ ਵਾਹਨ ਚਲਾਉਣ ਜਿਹੇ ਦੋਸ਼ ਲੱਗੇ ਹਨ।
