16.6C Vancouver 16.6C VancouverSep 11, 2025 3:55 PM - The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅਗਵਾਈ ਵਿਚ ਐਲਬਰਟਾ ਨੈਕਸਟ ਪੈਨਲ ਅੱਜ ਲੈਥਬ੍ਰਿਜ ਵਿਚ ਹੋਵੇਗਾ। ਇਸ ਤਹਿਤ ਉਹ ਸੂਬੇ ਦੇ ਔਟਵਾ ਨਾਲ ਸਬੰਧ ਨੂੰ ਲੈ ਕੇ ਲੋਕਾਂ ਦੇ ਵਿਚਾਰ ਜਾਣਨਗੇ।
ਪੈਨਲ ਦੇ ਟਾਊਨ ਹਾਲ ਦਾ ਉਦੇਸ਼ ਉਨ੍ਹਾਂ ਸ਼ਿਕਾਇਤਾਂ ਦਾ ਹੱਲ ਕਰਨਾ ਹੈ,ਜਿਸ ਕਾਰਨ ਵੱਖਵਾਦੀ ਭਾਵਨਾਵਾਂ ਭੜਕ ਰਹੀਆਂ ਹਨ ਅਤੇ ਇਸ ਦੇ ਨਤੀਜਿਆਂ ਨਾਲ ਇਹ ਪਤਾ ਲੱਗੇਗਾ ਕਿ ਅਗਲੇ ਸਾਲ ਰਿਫਰੈਂਡਮ ਵਿਚ ਕਿਹੜੇ ਪ੍ਰਸ਼ਨ ਪੁੱਛੇ ਜਾਣਗੇ।
ਦੱਸ ਦੇਈਏ ਕਿ ਹਾਲ ਹੀ ਵਿਚ ਸਮਿਥ ਦੀ ਰਾਈਡਿੰਗ ਮੈਡੀਸਨ ਹੈਟ ਵਿਚ ਇਸ ਪੈਨਲ ਨੂੰ ਭਰਵਾਂ ਹੁੰਗਾਰਾ ਮਿਲਿਆ। ਲੋਕਾਂ ਨੇ ਪੈਨਲ ਦੇ 6 ਪ੍ਰਸਤਾਵਾਂ ਨੂੰ ਆਪਣੀ ਮਨਜ਼ੂਰੀ ਦਿੱਤੀ।
ਇਸ ਵਿਚ ਸੂਬੇ ਦਾ ਕੈਨੇਡਾ ਪੈਨਸ਼ਨ ਪਲੈਨ ਵਿਚੋਂ ਬਾਹਰ ਨਿਕਲਣਾ ਅਤੇ ਪ੍ਰਵਾਸੀਆਂ ਨੂੰ ਮਿਲਣ ਵਾਲੀਆਂ ਸੋਸ਼ਲ ਸਰਵਿਸਸ ਨੂੰ ਵਾਪਸ ਲੈ ਕੇ ਇਮੀਗ੍ਰੇਸ਼ਨ ਨੂੰ ਕੰਟਰੋਲ ਕਰਨਾ ਵੀ ਸ਼ਾਮਲ ਹੈ।
