ਜੈਸਪਰ ਜੰਗਲੀ ਅੱਗ ; ਪ੍ਰੀਮੀਅਰ ਡੈਨੀਅਲ ਸਮਿਥ ਕਰੇਗੀ ਦੌਰਾ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਫੈਡਰਲ ਐਮਰਜੈਂਸੀ ਤਿਆਰੀ ਮੰਤਰੀ ਹਰਜੀਤ ਸੱਜਣ ਅੱਜ ਹਿੰਟਨ ਕਮਾਂਡ ਸੈਂਟਰ ਦਾ ਦੌਰਾ ਕਰਨਗੇ। ਜੈਸਪਰ ਪਾਰਕ ਨੇੜੇ ਲੱਗੀ ਅੱਗ ਕਾਰਨ ਹੁਣ ਤੱਕ 36,000 ਹੈਕਟੇਅਰ ਇਲਾਕਾ ਸੜ ਚੁੱਕਾ ਹੈ ਅਤੇ ਕਈ ਹਫਤਿਆਂ ਤੱਕ ਅੱਗ ਬੁੱਝਣ ਦੇ ਆਸਾਰ ਨਹੀਂ ਹਨ।

ਬੀਤੇ ਦਿਨ ਇਸ ਸੰਬੰਧੀ ਅਪਡੇਸ਼ਨ ਜਾਰੀ ਕਰਦਿਆਂ ਪ੍ਰੀਮੀਅਰ ਦੀਆਂ ਅੱਖਾਂ ਵਿਚ ਹੰਝੂ ਆ ਗਏ ਸਨ । ਉਨ੍ਹਾਂ ਦੱਸਿਆ ਕਿ ਸਾਰੀ ਦੁਨੀਆ ਜੈਸਪਰ ਪਾਰਕ ਨੂੰ ਮੈਜਿਕ ਮੰਨਦੀ ਹੈ ਪਰ ਇਹ ਹੁਣ ਨਹੀਂ ਰਿਹਾ।

ਗੌਰਤਲਬ ਹੈ ਕਿ ਦੁਨੀਆ ਭਰ ਤੋਂ ਲੋਕ ਇੱਥੇ ਘੁੰਮਣ ਆਉਂਦੇ ਹਨ ਅਤੇ ਜਿਸ ਸਮੇਂ ਅੱਗ ਲੱਗੀ ਉਸ ਸਮੇਂ ਵੀ ਹਜ਼ਾਰਾਂ ਵਿਜ਼ਟਰਜ਼ ਇੱਥੇ ਪਹੁੰਚੇ ਸਨ।

ਸੋਮਵਾਰ ਰਾਤ ਵਿਜ਼ਿਟਰਜ਼ ਸਣੇ ਜੈਸਪਰ ਟਾਊਨ ਵਿਚ ਰਹਿਣ ਅਤੇ ਕੰਮ ਕਰਨ ਵਾਲੇ ਤਕਰੀਬਨ 25,000 ਲੋਕਾਂ ਨੂੰ ਇੱਥੋਂ ਬਾਹਰ ਕੱਢਿਆ ਗਿਆ ਸੀ, ਜਿਨ੍ਹਾਂ ਲਈ ਐਲਬਰਟਾ ਸਰਕਾਰ ਵਲੋਂ ਰਿਸੈਪਸ਼ਨ ਸੈਂਟਰਜ਼ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਇੱਥੇ ਤਕਰੀਬਨ ਅੱਧੀ ਪ੍ਰੋਪਰਟੀ ਅੱਗ ਦੇ ਹਵਾਲੇ ਹੋ ਚੁੱਕੀ ਹੈ।