14.11C Vancouver 14.11C VancouverFeb 2, 2022 1:51 AM - The Canadian Press
ਐਲਬਰਟਾ ਦੇ ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਸੂਬੇ ਦੇ ਦੱਖਣੀ ਬੌਰਡਰ 'ਤੇ ਟਰੱਕਰਸ ਦਾ ਲਗਾਇਆ ਬਲੌਕੇਡ ਹਿੰਸਕ ਬਣ ਗਿਆ ਹੈ।
ਇਹ ਬਲੌਕੇਡ ਅਮਰੀਕਾ ਦੇ ਬੌਰਡਰ ਕੋਲ ਸਥਾਪਿਤ ਹੈ।
ਜੇਸਨ ਕੈਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਰਿਪੋਰਟ ਕੀਤਾ ਗਿਆ ਹੈ ਕਿ ਪ੍ਰਦਰਸ਼ਨਕਾਰੀਆਂ ਨੇ ਪੁਲਿਸ ਕਰਮੀਆਂ ਵਿਰੁੱਧ ਹਿੰਸਾ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਕਿਸੇ ਵੱਲੋਂ ਪੁਲਿਸ ਕਰੂਜ਼ਰ ਨਾਲ ਟੱਕਰ ਮਾਰਨ ਦੀ ਵੀ ਕੋਸ਼ਿਸ਼ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਸ਼ਾਂਤਮਈ ਢੰਗ ਨਾਲ ਕੀਤੇ ਜਾਂਦੇ ਪ੍ਰਦਰਸ਼ਨਾਂ ਦਾ ਉਹ ਸਹਿਯੋਗ ਕਰਦੇ ਹਨ ਪਰ ਪੁਲਿਸ 'ਤੇ ਹਮਲਾ ਬਰਦਾਸ਼ਤ ਤੋਂ ਬਾਹਰ ਹੈ।
ਯਾਦ ਰਹੇ ਕੂਟਸ ਬੌਰਡਰ ਕਰੌਸਿੰਗ 'ਤੇ ਸਟੈਂਡ-ਆਫ ਸ਼ਨੀਵਾਰ ਨੂੰ ਸ਼ੁਰੂ ਹੋਇਆ ਸੀ।
ਇਹ ਇਕੱਠ ਔਟਵਾ ਅਤੇ ਦੇਸ਼ ਭਰ 'ਚ ਟਰੱਕਰਸ ਵੱਲੋਂ ਕੀਤੇ ਜਾ ਰਹੇ ਪ੍ਰਦਰਸ਼ਨਾਂ ਦੇ ਸਹਿਯੋਗ 'ਚ ਕੀਤਾ ਜਾ ਰਿਹਾ ਹੈ।
