ਨਵੀਂ ਚੁਣੀ ਇਨਵਾਇਰਮੈਂਟ ਮੰਤਰੀ ਜੂਲੀ ਡਾਬਰੂਸਿਨ ਦੀ ਐਲਬਰਟਾ ਵਲੋਂ ਆਲੋਚਨਾ

ਐਲਬਰਟਾ ਦੀ ਪ੍ਰੀਮੀਅਰ ਦੇ ਚੀਫ਼ ਆਫ਼ ਸਟਾਫ਼ ਨੇ ਨਵੀਂ ਚੁਣੀ ਗਈ ਫੈਡਰਲ ਵਾਤਾਵਰਣ ਮੰਤਰੀ ਦੀ ਸਖ਼ਤ ਸ਼ਬਦਾਂ ਵਿਚ ਆਲੋਚਨਾ ਕੀਤੀ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਆਪਣਾ ਨਵਾਂ ਮੰਤਰੀ ਮੰਡਲ ਤਿਆਰ ਕੀਤਾ ਹੈ। ਜਿਸ ਵਿਚ ਵਾਤਾਵਰਣ ਤੇ ਜਲਵਾਯੂ ਤਬਦੀਲੀ ਮੰਤਰੀ ਵਜੋਂ ਜੂਲੀ ਡਾਬਰੂਸਿਨ ਨੂੰ ਚੁਣਿਆ ਗਿਆ ਹੈ ।

ਐਲਬਰਟਾ ਦੇ ਰੌਬ ਐਂਡਰਸਨ ਨੇ ਕਿਹਾ ਕਿ ਇਹ ਉਨ੍ਹਾਂ ਲਈ ਹੈਰਾਨੀ ਵਾਲੀ ਖਬਰ ਹੈ। ਉਨ੍ਹਾਂ ਕਿਹਾ ਕਿ ਡਾਬਰੂਸਿਨ ਦੀ ਵੈੱਬਸਾਈਟ ਕਾਰਬਨ ਪ੍ਰਦੂਸ਼ਣ ਦੀ ਕੀਮਤ ਦੇ ਹੱਕ ਵਿਚ ਇਸ਼ਾਰਾ ਕਰਦੀ ਹੈ। ਇਸ ਦੇ ਨਾਲ ਹੀ ਉਹ ਆਇਲਸੈਂਡਸ ਦੇ ਵਾਧੇ ਦੀ ਵਿਰੋਧੀ ਰਹੀ ਹੈ ਅਤੇ ਜੈਵਿਕ ਬਾਲਣ ਤੋਂ ਦੂਰ ਜਾਣ ਦੀਆਂ ਕੋਸ਼ਿਸ਼ਾਂ ਵਾਲਾ ਰਵੱਈਆ ਰੱਖਿਆ ਹੈ। ਐਂਡਰਸਨ ਨੇ ਸੋਸ਼ਲ ਮੀਡੀਆ ਰਾਹੀਂ ਉਨ੍ਹਾਂ 'ਤੇ ਟਿੱਪਣੀ ਕੀਤੀ ਹੈ।

ਸਮਿਥ ਨੇ ਕਿਹਾ ਕਿ ਉਨ੍ਹਾਂ ਦਾ ਸੂਬਾ ਫੈਡਰਲ ਸਰਕਾਰ ਨੂੰ ਚੰਗੇ ਰਿਸ਼ਤੇ ਬਣਾਈ ਰੱਖਣ ਲਈ ਵਾਤਾਵਰਣ ਫਾਈਲ ਵਿਚ ਵੱਡੇ ਬਦਲਾਅ ਦੀ ਮੰਗ ਕਰਦਾ ਹੈ।ਸਮਿਥ ਚਾਹੁੰਦੀ ਹੈ ਕਿ ਫੈਡਰਲ ਸਰਕਾਰ ਤੇਲ ਤੇ ਗੈਸ ਪਾਈਪਲਾਈਨਜ਼ ਵਿਛਾਵੇ ਅਤੇ ਸਿੰਗਲ-ਯੂਜ਼ ਪਲਾਸਟਿਕ 'ਤੇ ਪਾਬੰਦੀ ਨੂੰ ਹਟਾਇਆ ਜਾਵੇ।