17.28C Vancouver 17.28C VancouverMay 22, 2025 2:39 PM - The Canadian Press
ਐਲਬਰਟਾ ਵਿਚ ਖਸਰੇ ਦੇ 19 ਹੋਰ ਮਾਮਲੇ ਸਾਹਮਣੇ ਆਉਣ ਮਗਰੋਂ ਸੂਬੇ ਵਿਚ ਇਸ ਦੇ ਮਰੀਜ਼ਾਂ ਦੀ ਗਿਣਤੀ 500 ਤੋਂ ਪਾਰ ਹੋ ਗਈ ਹੈ। ਮਾਰਚ ਮਹੀਨੇ ਤੋਂ ਸ਼ੁਰੂ ਹੋਈ ਇਸ ਬੀਮਾਰੀ ਨੇ ਸਭ ਤੋਂ ਵੱਧ ਛੋਟੀ ਉਮਰ ਦੇ ਬੱਚਿਆਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਹੈ। ਦੱਖਣੀ ਐਲਬਰਟਾ ਵਿਚੋਂ 70 ਫੀਸਦੀ ਮਾਮਲੇ ਸਾਹਮਣੇ ਆਏ ਹਨ।
ਸਰਕਾਰੀ ਡਾਟਾ ਮੁਤਾਬਕ 157 ਮਰੀਜ਼ 5 ਸਾਲ ਤੋਂ ਛੋਟੀ ਉਮਰ ਦੇ ਬੱਚੇ ਹਨ। ਇਸ ਕਾਰਨ 35 ਮਰੀਜ਼ ਹਸਪਤਾਲ ਵਿਚ ਹਨ। ਖਸਰੇ ਦੇ ਲੱਛਣ ਖੰਘ, ਬੁਖਾਰ, ਅੱਖਾਂ ਦਾ ਲਾਲ ਹੋਣਾ ਅਤੇ ਸਰੀਰ 'ਤੇ ਦਾਣੇ ਹੋਣਾ ਸ਼ਾਮਲ ਹੈ। ਡੌਕਟਰਜ਼ ਦਾ ਕਹਿਣਾ ਹੈ ਕਿ ਜੇਕਰ ਮਾਮਲੇ 1000 ਤੋਂ ਪਾਰ ਹੋ ਗਏ ਤਾਂ ਇਸ ਕਾਰਨ ਰੋਜ਼ਾਨਾ ਇਕ ਤੋਂ 3 ਵਿਅਕਤੀਆਂ ਦੀ ਮੌਤ ਹੋ ਸਕਦੀ ਹੈ। ਇਹ ਹਵਾ ਨਾਲ ਫੈਲਦਾ ਹੈ, ਜਿਸ ਕਾਰਨ ਇਕ ਮਰੀਜ਼ ਦੇ ਕਮਰੇ ਵਿਚ ਕਰੀਬ 2 ਘੰਟਿਆਂ ਤੱਕ ਇਸ ਦੇ ਵਾਇਰਸ ਰਹਿੰਦੇ ਹਨ। ਇਸੇ ਲਈ ਲੋਕਾਂ ਨੂੰ ਵਧੇਰੇ ਧਿਆਨ ਰੱਖਣ ਦੀ ਅਪੀਲ ਕੀਤੀ ਗਈ ਹੈ। ਖਸਰੇ ਤੋਂ ਬਚਾਅ ਲਈ ਦੋ ਟੀਕੇ ਲਗਵਾਉਣੇ ਜ਼ਰੂਰੀ ਹਨ।
