14.32C Vancouver 14.32C VancouverSep 16, 2026 5:49 PM - Connect Newsroom - Ramandeep Kaur with files from The Canadian Press
ਐਲਬਰਟਾ ਸਰਕਾਰ ਵੱਲੋਂ ਤਿਆਰ ਕਰਵਾਈ ਗਈ ਇਕ ਨਵੀਂ ਰਿਪੋਰਟ ਵਿਚ ਸਾਹਮਣੇ ਆਇਆ ਹੈ ਕਿ ਕੈਨੇਡਾ ਤੋਂ ਵੱਖ ਹੋਣ ਦਾ ਖਰਚਾ ਪਹਿਲੇ ਪੰਜ ਸਾਲਾਂ ਵਿੱਚ ਹੀ $170 ਬਿਲੀਅਨ ਤੱਕ ਜਾ ਸਕਦਾ ਹੈ।ਕੈਲਗਰੀ ਯੂਨੀਵਰਸਿਟੀ ਦੇ 'ਸਕੂਲ ਔਫ ਪਬਲਿਕ ਪਾਲਿਸੀ' ਦੀ ਇਸ ਰਿਪੋਰਟ ਮੁਤਾਬਕ, ਵੱਖ ਹੋਣ ਦਾ ਘੱਟੋ-ਘੱਟ ਖਰਚਾ $50 ਬਿਲੀਅਨ ਹੋਵੇਗਾ ਅਤੇ ਵੱਧ ਤੋਂ ਵੱਧ ਇਹ $170 ਬਿਲੀਅਨ ਤੱਕ ਪਹੁੰਚ ਸਕਦਾ ਹੈ।
ਇਸ ਭਾਰੀ-ਭਰਕਮ ਰਕਮ ਦੀ ਵਰਤੋਂ ਇਨਫਰਾਸਟਕਚਰ,ਸਟਾਫ਼ ਦੀ ਭਰਤੀ ਤੇ ਤਬਦੀਲੀ,ਫੈਡਰਲ ਕਰਜ਼ੇ ਲਈ ਕੀਤੀ ਜਾਵੇਗੀ।ਰਿਪੋਰਟ ਵਿੱਚ ਵੱਖ ਹੋਣ ਦੇ ਦੋ ਤਰੀਕਿਆਂ 'ਤੇ ਗੌਰ ਕੀਤਾ ਗਿਆ ਹੈ ਕਿ ਸ਼ਾਂਤਮਈ ਤਰੀਕੇ ਨਾਲ ਵੱਖ ਹੋਣਾ ਪਰ ਜੇਕਰ ਫੈਡਰਲ ਸਰਕਾਰ ਗੱਲਬਾਤ ਵਿੱਚ ਸਖ਼ਤ ਰੁਖ ਅਪਣਾਉਂਦੀ ਹੈ, ਤਾਂ ਇਹ ਤਬਦੀਲੀ ਬਹੁਤ ਜ਼ਿਆਦਾ ਮਹਿੰਗੀ ਅਤੇ ਮੁਸ਼ਕਲ ਹੋ ਜਾਵੇਗੀ।
ਐਲਬਰਟਾ ਦੇ ਲੋਕ 19 ਅਕਤੂਬਰ ਨੂੰ ਵੋਟਾਂ ਪਾਉਣ ਲਈ ਪੋਲਿੰਗ ਬੂਥ 'ਤੇ ਜਾਣਗੇ, ਜਿੱਥੇ ਉਨ੍ਹਾਂ ਨੇ ਇਹ ਫੈਸਲਾ ਕਰਨਾ ਹੈ ਕਿ ਉਹ ਕੈਨੇਡਾ ਵਿੱਚ ਰਹਿਣਾ ਚਾਹੁੰਦੇ ਹਨ ਜਾਂ ਦੇਸ਼ ਛੱਡਣ ਬਾਰੇ ਦੂਜੇ ਅਤੇ ਬਾਈਡਿੰਗ ਰਿਫਰੈਂਡਮ ਵੱਲ ਵਧਣਾ ਚਾਹੁੰਦੇ ਹਨ।
