15.53C Vancouver 15.53C VancouverMar 28, 2024 8:22 PM - The Canadian Press
ਐਲਬਰਟਾ ਦੇ ਬਜ਼ੁਰਗਾਂ ਲਈ ਰਾਹਤ ਭਰੀ ਖਬਰ ਸਾਹਮਣੇ ਆਈ ਹੈ। ਐਲਬਰਟਾ ਸਰਕਾਰ ਨੇ ਅੱਜ ਘੋਸ਼ਣਾ ਕੀਤੀ ਕਿ ਜਿਨ੍ਹਾਂ ਬਜ਼ੁਰਗਾਂ ਦੀ ਉਮਰ 65 ਅਤੇ ਇਸ ਤੋਂ ਵੱਧ ਹੈ, ਉਨ੍ਹਾਂ ਨੂੰ ਨਿੱਜੀ ਰਜਿਸਟਰੀ ਸਰਵਿਸ ਲਈ 25 ਫੀਸਦੀ ਛੋਟ ਮਿਲੇਗੀ। ਇਹ ਛੋਟ 1 ਅਪ੍ਰੈਲ ਤੋਂ ਲਾਗੂ ਹੋਣ ਜਾ ਰਹੀ ਹੈ।
ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਕਿਹਾ ਕਿ ਇਹ ਖਰਚੇ ਐਲਬਰਟਨਜ਼ ਦੀ ਜ਼ਿੰਦਗੀ ਦਾ ਹਿੱਸਾ ਹਨ। ਕਈ ਬਜ਼ੁਰਗਾਂ ਲਈ ਗੁਜ਼ਾਰਾ ਕਰਨਾ ਮੁਸ਼ਕਿਲ ਹੈ, ਉਹ ਘਰ ਵਿਚ ਸੁਰੱਖਿਅਤ ਰਹਿਣ ਲਈ ਮਦਦ ਲੱਭਦੇ ਹਨ। ਸਰਵਿਸ ਐਲਬਰਟਾ ਦੇ ਮੰਤਰੀ ਡੇਲ ਨੈਲੀ ਨੇ ਕਿਹਾ ਕਿ ਐਲਬਰਟਾ ਵਿਚ ਲਗਭਗ 178,000 ਸੀਨੀਅਰਜ਼ ਕੋਲ ਇੰਨੀ ਕੁ ਇਨਕਮ ਹੁੰਦੀ ਹੈ ਕਿ ਉਹ ਜ਼ਰੂਰਤਾਂ ਹੀ ਪੂਰੀਆਂ ਕਰਦੇ ਹਨ।
ਇਹ ਛੋਟ ਪੇਅਮੈਂਟ ਦੇ ਸਮੇਂ ਅਪਲਾਈ ਹੋਵੇਗੀ ਅਤੇ ਇਹ ਸੌਖੀ ਪ੍ਰਕਿਰਿਆ ਹੈ। ਇਸ ਲਈ ਕਿਸੇ ਤਰ੍ਹਾਂ ਦੀਆਂ ਅਰਜ਼ੀਆਂ ਭਰਨ ਦੀ ਜ਼ਰੂਰਤ ਨਹੀਂ ਪਵੇਗੀ। ਉਨ੍ਹਾਂ ਕਿਹਾ ਕਿ ਸੂਬੇ ਵਿਚ ਇਸ ਸਮੇਂ 700,000 ਬਜ਼ੁਰਗ ਹਨ ਅਤੇ 2035 ਤੱਕ ਇਨ੍ਹਾਂ ਦੀ ਗਿਣਤੀ 1 ਮਿਲੀਅਨ ਹੋ ਸਕਦੀ ਹੈ।
ਐਡਮੰਟਨ ਸੀਨੀਅਰਜ਼ ਕੋਆਰਡੀਨੇਟਿੰਗ ਕੌਂਸਲ ਦੀ ਕਾਰਜਕਾਰੀ ਡਾਇਰੈਕਟਰ ਮੁਤਾਬਕ ਸੀਨੀਅਰਜ਼ ਨੂੰ ਵਾਹਨਾਂ ਦੀ ਰਜਿਸਟਰੇਸ਼ਨ, ਡਰਾਈਵਰ ਲਾਈਸੈਂਸ ਨੂੰ ਰੀਨਿਊ ਕਰਵਾਉਣ ਅਤੇ ਜ਼ਮੀਨ ਦੀ ਰਜਿਸਟਰੀ ਵਿਚ ਛੋਟ ਮਿਲੇਗੀ। ਇਹ ਨਿੱਜੀ ਜਾਂ ਆਨਲਾਈਨ ਅਪਲਾਈ ਕਰਨ ਦੌਰਾਨ ਉਪਲੱਬਧ ਹੋਵੇਗਾ। ਹਾਲਾਂਕਿ ਨਿੱਜੀ ਪ੍ਰੋਪਰਟੀ ਸਰਵਿਸ, ਜੁਰਮਾਨਾ, ਕੋਰਪਰੇਟ ਜਾਂ ਬਿਜ਼ਨਸ ਸਰਵਿਸਸ ਲਈ ਛੋਟ ਦੀ ਸੁਵਿਧਾ ਨਹੀਂ ਮਿਲੇਗੀ।
